పవర్ స్టార్ పవన్ కళ్యాణ్ సినీ కెరీర్‌ను ఓ మలుపుతిప్పిన చిత్రం "తొలిప్రేమ". తెలుగు సినీ ఇండస్ట్రీలో తొలిప్రేమ ఆ కాలంలో సరికొత్త రికార్డులు నెలకొల్పింది. ఇపుడు ఇదే టైటిల్‌తో అబ్బాయి వరుణ్ తేజ్ ఓ చిత్రంల
పవర్ స్టార్ పవన్ కళ్యాణ్ సినీ కెరీర్‌ను ఓ మలుపుతిప్పిన చిత్రం "తొలిప్రేమ". తెలుగు సినీ ఇండస్ట్రీలో తొలిప్రేమ ఆ కాలంలో సరికొత్త రికార్డులు నెలకొల్పింది. ఇపుడు ఇదే టైటిల్‌తో అబ్బాయి వరుణ్ తేజ్ ఓ చిత్రంలో నటించనున్నారు. నిజానికి శేఖర్ కమ్ముల దర్శకత్వంలో వచ్చిన "ఫిదా" చిత్రంతో ప్రేక్షకులను ఫిదా చేసిన హీరో వరుణ్ తేజ్.
పవన్ కెరీర్‌ను మలుపుతిప్పిన ఈ టైటిల్‌ను ఇప్పుడు అబ్బాయ్ వాడుకోనున్నాడు. బాబాయ్ తొలిప్రేమకు సుకుమార్ దర్శకత్వం వహిస్తే ఇపుడు అబ్బాయి చిత్రానికి వెంకీ అట్లూరి దర్శకత్వం. రాశీఖన్నా హీరోయిన్. మూవీ యూనిట్ రిలీజ్ చేసిన ఫస్ట్ లుక్‌లో "తొలిప్రేమ".. 'ఏ జర్నీ ఆఫ్ లవ్' అనే ట్యాగ్‌తో పవన్ అభిమానులు షాక్ అయ్యారు.
'తొలిప్రేమ' అనే టైటిల్‌తో ఉన్న ఈ పోస్టర్‌లో కేవలం వరుణ్ తేజ్‌ని మాత్రమే చూపించారు. పోస్టర్‌లో వరుణ్ లుక్ కాస్త డిఫరెంట్‌గా కనిపిస్తున్నాడు. ఈ మూవీ వరుణ్ కెరీర్‌లో మైల్‌స్టోన్‌గా నిలిచేలా దర్శకుడు తెరకెక్కిస్తున్నారని ఇండస్ట్రీ టాక్. వచ్చే యేడాది ఫిబ్రవరి 9వ తేదీన 'తొలిప్రేమ' సినిమాని విడుదల చేస్తున్నట్టు సినిమా యూనిట్ ప్రకటించారు.
అయితే, పవన్ కెరీర్‌లోనే బిగ్ హిట్‌గా నిలిచిన తొలి ప్రేమ టైటిల్‌ని వరుణ్ తేజ్ మూవీకి వాడుతున్నారని పవన్ అభిమానులు మండిపడుతున్నారు. కొత్త దర్శకుడితో తీసే 'తొలిప్రేమ' చిత్రం ఫెయిల్ అయితే తమ హీరో చిత్రానికి చెడుపేరు వస్తుందనే అభిప్రాయాన్ని వారు వ్యక్తం చేస్తున్నారు. ఇక వరుణ్ తేజ్ ఫ్యాన్స్ ఎలా స్పందిస్తారో చూడాలి. ఎస్ థమన్ సంగీత బాణీలు సమకూర్చే ఈ చిత్రాన్ని బీవీఎస్ఎన్ ప్రసాద్ శ్రీవేంకటేశ్వర సినీ చిత్ర పతాకంపై నిర్మించనున్నారు.