ఉదయభాను రోజుకి రూ.2 లక్షలు కావాలట.. బిగ్‌బాస్-3లో..?

ఒకప్పుడు యాంకర్‌గా, నటిగా బుల్లితెరలో ఓ వెలుగు వెలిగిన ఉదయభాను, అప్పుడప్పుడూ వెండితెరపై కూడా మెరిసింది. ఆ తర్వాత పెళ్లై పిల్లలు పుట్టాక కాస్త విరామం తీసుకుంది. ఇప్పుడు మళ్లీ బుల్లితెరపై సందడి చేయడానికి భాను రెడీ అయిపోతోంది. అందులోనూ స్టార్ మా టీవీలో ప్రసారమయ్యే బిగ్‌బాస్ షోలో పాల్గొననుందని సమాచారం. 

అందుకే బిగ్‌బాస్ సీజన్ 3కి వినిపిస్తున్న కంటెస్టెంట్‌ల పేర్ల లిస్టులో భాను పేరు ప్రముఖంగా వినిపిస్తోంది. కంటెస్టెంట్‌లు వీక్‌గా ఉంటే కార్యక్రమం బోర్ కొడుతుంది. అందుకే స్ట్రాంగ్ కంటెస్టెంట్‌ల కోసం ఎంత మొత్తాన్నైనా చెల్లించి వారిని అందులో పాల్గొనేలా చేయాలని స్టార్ మా భావిస్తోంది.

ఉదయభాను ప్రస్తుతం ఫామ్‌లో లేకపోయినా ప్రేక్షకులు తనని రిసీవ్ చేసుకుంటారనే ఉద్దేశంతో రోజుకి రూ.2 లక్షలు ఇచ్చి మరీ ఆమెను తీసుకుంటున్నారట షో నిర్వాహకులు. అంటే వందరోజులకు గానూ రోజుకి రూ.2లక్షల చొప్పున రూ.2 కోట్లు చెల్లించేందుకు డీల్ కుదుర్చుకున్నట్లు సమాచారం. 

బిగ్‌బాస్ సీజన్‌లో ఇదే అత్యధిక పారితోషికం అని గుసగుసలు వినిపిస్తున్నాయి. మిగిలిన కంటెస్టెంట్‌లు సైతం ఉదయభాను మాదిరిగానే ఎక్కువ మొత్తాన్ని ఆశిస్తే షో నిర్వాహకులు ఏమి చేస్తారని ప్రేక్షకులు చెవులుకొరుక్కుంటున్నారు.