నివేదా థామస్.. హైదరాబాదులో ఇల్లు కొనబోతుందట..

దక్షిణాది సినీ పరిశ్రమలో పెర్ఫామెన్స్ విషయంలో మోస్ట్ టాలెంటెడ్ హీరోయిన్లలో నివేదా థామస్ ఒకరు. కొన్ని సినిమాలలో ఆమె ఫెర్ఫార్మెన్స్ చాలా బాగుండటం వలన సక్సెస్ బాట పట్టిన సందర్భాలు కూడా ఉన్నాయి. ఆమె హీరోయిన్‌గా నటించిన నిన్ను కోరి, జెంటిల్‌మెన్, జై లవకుశ సినిమాలలో ఆమె నటనకు మంచి పేరు వచ్చింది. 

తాజాగా ఆమె నటించిన చిత్రం బ్రోచేవారెవరురా సినిమా జూన్ 28న రిలీజ్ కానున్న నేపథ్యంలో మీడియాతో నివేదా ముచ్చటించారు. ఈ సినిమాకు మెంటల్ మదిలో ఫేం వివేక్ ఆత్రేయ దర్శకత్వం వహిస్తున్నారు.

బ్రోచేవారెవరురా సినిమా ప్రస్తుత సామాజిక పరిస్థితులను ప్రతిబింబించే విభిన్నమైన కథ. సమాజంలో ఉన్న రకరకాల వ్యక్తుల మనస్తత్వాన్ని తెలిపే సినిమా ఇది. ఈ సినిమాలో నా పాత్ర పేరు మిత్ర. మానసికంగా శక్తివంతంగా ఉండే యువతి పాత్రలో నేను నటించాను. ఇందులో తండ్రి, కూతుళ్ల మధ్య ఎమోషనల్‌గా కథ సాగుతుందని నివేదా థామస్ చెప్పారు. 

జెంటిల్మన్ సినిమా తర్వాత ఎక్కువగా తెలుగు సినిమాలలోనే కనిపిస్తున్న నివేదా తమిళ, మలయాళ చిత్రాలకు కొంత దూరంగానే ఉంటున్నారు. జెంటిల్‌మెన్ సినిమాలో డబ్బింగ్ చెప్పాలని ఆశపడ్డాను కానీ నాకు పరీక్షలు ఉండటం వల్ల చెప్పలేకపోయాను. 118తో ఆ కోరిక నెరవేరిందని చెప్పారు నివేద. తెలుగులో ఎక్కువగా నటించడానికి ప్రత్యేకమైన కారణాలు ఏమీ లేవు కానీ ఇక్కడ అవకాశాలు ఎక్కువగా రావడంతో సెటిల్ అయ్యాను, త్వరలో హైదరాబాద్‌లో ఇల్లు కొనాలని చూస్తున్నానని చెప్పుకొచ్చారు.