గత ఏడాది విడుదలై రామ్ చరణ్ ఖాతాలో భారీ హిట్‌ని చేరవేసిన రంగస్థలం కన్నడ భాషలోకి వెళ్లనుంది. డబ్బింగ్‌తో సహా ఇతర కార్యక్రమాలు పూర్తి చేసి వచ్చే నెల విడుదల చేయబోతున్నారు.
ఆడియో ఇప్పటికే హిట్ కాగా, నిన్న విడుదలైన టీజర్‌కి కూడా మంచి రెస్పాన్స్ వస్తోంది. రామ్ చరణ్ తెలుగులో సౌండ్ ఇంజనీర్ చిట్టిబాబుగా రచ్చ చేసిన పాత్రకు కన్నడలో కిట్టిగా పేరు పెట్టారు.
ఈ పాత్రను పరిచయం చేస్తూ టీజర్ వదలడంతో వైరల్ అవుతోంది. కన్నడలో దశాబ్దాలుగా ఉన్న డబ్బింగ్ ఆంక్షలను ఇటీవలే ఎత్తేసిన సంగతి తెలిసిందే. అందుకే సౌత్‌లో రూపొందుతున్న క్రేజీ సినిమాలన్నింటినీ అక్కడ డబ్ చేస్తూ నిర్మాతలు అదనపు ఆదాయాన్ని పొందుతున్నారు. ఈ క్రమంలోనే రంగస్థలకు సైతం మంచి ఆదరణ దక్కుతుందనే భారీ అంచనాలతో విడుదలను ప్లాన్ చేస్తున్నారు.
సాధారణంగా గ్రామీణ భౌగోళిక ప్రాంతం ఎక్కువగా ఉండే కర్ణాటకలో దీనికి మంచి స్పందన వస్తుందని అంచనాలు ఉన్నాయి. పైగా మెగా ఫ్యాన్స్ బేస్ ఎక్కువగా ఉండే కన్నడ రాష్ట్రంలో తమ స్వంత భాషలో రామ్ చరణ్ సినిమా వస్తోంది అంటే రచ్చ మామూలుగా ఉండబోదు. అందుకే దానికి తగ్గట్టే హైప్ కూడా ఉంది.