అంజల జావేరి భర్త తరుణ్ అరోరాతో చిరంజీవి ఫైటింగ్.. ఎందుకో తెలుసా?
మెగాస్టార్ చిరంజీవి 150వ సినిమా షూటింగ్ రెండో షెడ్యూల్‌ని కూడా పూర్తి చేసుకుంది. అయితే ఈ సినిమాలో చిరంజీవి జోడీగా నటించే హీరోయిన్ ఎవరనేదానిపై ఇంకా క్లారిటీ లేదనే చెప్పాలి. వినాయక్ దర్శకత్వంలో రూపుదిద్
మెగాస్టార్ చిరంజీవి 150వ సినిమా షూటింగ్ రెండో షెడ్యూల్‌ని కూడా పూర్తి చేసుకుంది. అయితే ఈ సినిమాలో చిరంజీవి జోడీగా నటించే హీరోయిన్ ఎవరనేదానిపై ఇంకా క్లారిటీ లేదనే చెప్పాలి. వినాయక్ దర్శకత్వంలో రూపుదిద్దుకుటున్న ఈ సినిమాలో మెయిన్ విలన్ పాత్ర కోసం తొలుత బాలీవుడ్ న‌టుడు నీల్ నితిన్ ముఖేష్ అనుకున్నా ఆఖ‌రికి ఆ అవ‌కాశం త‌రుణ్‌కు ద‌క్కింద‌ట. ఈ తరుణ్ ఎవరో కాదు.. చూడాల‌ని ఉంది సినిమాలో చిరుతో జతకట్టిన అంజల జావేరి భర్తే కావడం విశేషం. అంజల జావేరి అటుపై ''శంకర్ దాదా ఎం.బి.బి.ఎస్"లోను తళుక్కుమంది.
తమిళ థ్రిల్లర్ ''గణిదన్'' సినిమాలో తరుణ్ అద్భుత నటనను చూసి వినాయక్ చిరంజీవి 150వ సినిమాలో విలన్‌గా ఎంపిక చేశారని తెలిసింది. ఇంకొద్ది రోజుల్లో తరుణ్ తెలుగు కత్తి రీమేక్ షూటింగ్‌లో పాల్గొంటాడని చిత్ర యూనిట్ వర్గాల సమాచారం. ఇక తరుణ్ ఈ సినిమా కోసం అగ్రిమెంట్లో సంతకాలు కూడా చేసేశాడని తెలిసింది. ఇక వచ్చే ఏడాది సంక్రాంతికి చిరంజీవి 150వ సినిమా తెరపైకి రానుంది.
ఈ చిత్రాన్ని చిరు తనయుడు రామ్ చరణ్ నిర్మిస్తున్న సంగతి తెలిసిందే. ఇంకేముంది..? తరుణ్ విలన్‌గా ఓకే కావడంతో.. అంజల భర్తైన అతనితో చిరంజీవి ఫైట్ చేయనున్నారన్నమాట. అంతేకాదండోయ్ చిరంజీవి బర్త్ డే ఫంక్షన్‌కు కూడా అంజల తన భర్తతో పాటు హాజరైంది.