రోబో 2పాయింట్ఓకు తలనొప్పి.. తమిళ్ రాకర్స్ సవాల్..

పైరసీతో దర్శకనిర్మాతలకు పెద్ద తలనొప్పి తప్పలేదు. సినిమాలు విడుదలైన గంటల్లోనే నెట్లోకి వచ్చేస్తున్నాయి. ఇటీవల గీత గోవిందం సినిమాకు సంబంధించిన సన్నివేశాలు నెట్టింట చక్కర్లు కొట్టిన సంగతి తెలిసిందే. ఈ నేపథ్యంలో కోలీవుడ్‌కు పైరసీ వెబ్‌సైట్ తమిళ్ రాకర్స్ సవాల్ విసురుతోంది. ఇప్పటికే హీరో విశాల్‌కు, తమిళ రాకర్స్‌కు మధ్య పెద్ద వారే జరుగుతోంది. 

ఈ నేపథ్యంలో సర్కార్‌ సినిమాపై కూడా తమిళ రాకర్స్ తమ పంజా విసిరారు. సినిమా బృందం ఎన్ని జాగ్రత్తలు తీసుకున్నా.. సర్కార్‌పై తమిళ రాకర్స్ పంజా విసిరింది. ఈ సినిమా విడుదలైన గంటల్లోనే నెట్‌లో పెట్టేసింది. తాజాగా రోబో 2పాయింట్ఓ సినిమాపై తమిళ్ రాకర్స్ కన్నేసింది. 

ప్రముఖ దర్శకుడు శంకర్ యూనిట్ ఎన్ని జాగ్రత్తలు తీసుకున్నా.. ఈ సినిమాను నెట్లో పెట్టేస్తామంటూ సవాల్ విసిరింది. ఈ మేరకు తమిళ రాకర్స్ ఈ సినిమాకు సోషల్ మీడియా ద్వారా సవాల్ విసిరిందని.. దీంతో సినీ యూనిట్ పైరసీతో కలెక్షన్లు తగ్గిపోతాయేమోనని ఆందోళన వ్యక్తం చేస్తోంది.