జూనియర్ ఎన్టీఆర్ అంటే నాకు తెలియదా? టెంపర్ 2సార్లు చూశాను: సింగం దర్శకుడు హరి

జూనియర్ ఎన్టీఆర్ అంటే తనకెవరో తెలియదని వ్యాఖ్యానించిన సింగం సినిమాల తమిళ దర్శకుడు హరి మళ్లీ మాట మార్చాడు. హరి దర్శకత్వం వహించిన సింగం-3 సినిమా తెలుగులో రిలీజ్‌కు రెడీ అవుతుంది. ఈ నేపథ్యంలో మొన్నటికి మ

జూనియర్ ఎన్టీఆర్ అంటే తనకెవరో తెలియదని వ్యాఖ్యానించిన సింగం సినిమాల తమిళ దర్శకుడు హరి మళ్లీ మాట మార్చాడు. హరి దర్శకత్వం వహించిన సింగం-3 సినిమా తెలుగులో రిలీజ్‌కు రెడీ అవుతుంది. ఈ నేపథ్యంలో మొన్నటికి మొన్న ఎన్టీఆర్ ఎవరో తెలియదన్న హరి.. ప్రస్తుతం టాలీవుడ్ జనాలను మెప్పించేందుకు ప్రయత్నం చేశాడు. 

ఇంతకుముందు తనపై సోషల్ మీడియాలో లేనిపోని వార్తలు వచ్చాయని అవన్నీ వదంతులేనని హరి వివరణ ఇచ్చుకున్నారు. తనకు ఎన్టీఆర్ ఎవరో తెలియదని ఎప్పుడూ చెప్పలేదని స్పష్టం చేశాడు. తాజాగా ఓ ఇంటర్వ్యూలో హరి తనపై వచ్చిన వార్తలను ఖండించాడు. కావాలనే కొన్ని వెబ్‌సైట్లు తనను టార్గెట్ చేస్తున్నాయంటూ వాపోయాడు. 

తనకు ఎన్టీఆర్ చాలా బాగా తెలుసునని.. ఎన్టీఆర్ నటించిన టెంపర్ సినిమాను రెండుసార్లు చూశానని చెప్పుకొచ్చాడు. ఎన్టీఆర్‌తో సినిమా చేసేందుకు ఇప్పటికే సంప్రదింపులు జరిపానని.. ప్లాన్ ఎప్పుడైనా వర్కౌట్ అవుతుందని హరి ఆశాభావం వ్యక్తం చేశాడు.