Webdunia - Bharat's app for daily news and videos

Install App

వంగవీటి సినిమాపై వెనక్కి తగ్గిన వర్మ: కమ్మ కాపు.. పాటను తొలగించినట్లు ట్వీట్.. పిటిషన్ కొట్టివేత

వివాదాస్పద దర్శకుడు రామ్ గోపాల్ వర్మ వెనక్కి తగ్గాడు. విజయవాడ రౌడీయిజం, రాజకీయాల నేపథ్యంలో రాంగోపాల్ వర్మ తెరకెక్కిస్తున్న సినిమా వంగవీటి. యధార్థ ఘటనల ఆధారంగా రూపుదిద్దుకుంటున్న ఈ సినిమాలో వివాదాస్పద

Webdunia
శుక్రవారం, 2 డిశెంబరు 2016 (15:22 IST)
వివాదాస్పద దర్శకుడు రామ్ గోపాల్ వర్మ వెనక్కి తగ్గాడు. విజయవాడ రౌడీయిజం, రాజకీయాల నేపథ్యంలో రాంగోపాల్ వర్మ తెరకెక్కిస్తున్న సినిమా వంగవీటి. యధార్థ ఘటనల ఆధారంగా రూపుదిద్దుకుంటున్న ఈ సినిమాలో వివాదాస్పద అంశాలను వర్మ ప్రస్తావించారు. అంతేకాదు సినిమా మొదలైన సమయంలోనే కమ్మ కాపు అంటూ రిలీజ్ చేసిన సాంగ్ వివాదాస్పదమైంది.
 
ఈ నేపథ్యంలో విజయవాడ చరిత్రను వక్రీకరించారంటూ కొంత మంది కోర్టును ఆశ్రయించారు. విజయవాడలో ముఖ్యంగా కుల విద్వేశాలను రెచ్చగొట్టేవిధంగా ఉన్న కమ్మ కాపు పాటను సినిమాను నుంచి తొలగించాలని డిమాండ్ చేశారు. ఈ కేసు విచారించిన హైకోర్టు చిత్ర దర్శకుడు రాం గోపాల్ వర్మతో పాటు, నిర్మాత దాసరి కిరణ్ కుమార్‌లకు నోటీసులు జారీ చేసింది. అంతేకాకుండా కోర్టు తీర్పు వెలువడే వరకు ఈ సినిమాకు సెన్సార్ సర్టిఫికేట్ ఇవ్వొద్దని కోర్టు ఆదేశాలు జారీ చేసింది. 
 
దీంతో ఇప్పటికే నోట్ల రద్దుతో కష్టాలు తప్పవని భావించిన వర్మ అండ్ టీమ్ డిసెంబర్ 23న ఈ సినిమాను విడుదల చేయాలని భావిస్తోంది. అందుకే వర్మ ఈ పాట విషయంలో వెనక్కి తగ్గింది. వివాదానికి కారణమైన పాటను సినిమా నుంచి తొలగిస్తున్నట్టుగా ప్రకటించింది. 'వంగవీటి' చిత్రంలోని 'కమ్మ కాపు..' అనే పాటను తీసేసినట్లు దర్శకుడు రామ్‌గోపాల్‌ వర్మ ట్విట్టర్ ద్వారా  స్పష్టం చేశారు. కొందరి సెంటిమెంట్స్‌ను గౌరవిస్తూ ఈ పాటను తీసేస్తున్నట్లు వర్మ తాజాగా ట్వీట్‌ చేశారు. భావోద్వేగాలతో కూడిన చిత్రమని, ఎవర్నీ అప్రతిష్ఠపాలు చేయదని వివరణ ఇచ్చుకున్నాడు. దీంతో అనుకున్నట్టుగా రాంగోపాల్ వర్మ వంగవీటి డిసెంబర్ 23న ప్రేక్షకుల ముందుకు రానుంది. ఈ శనివారం ఈ చిత్ర ఆడియోను విజయవాడలోనే వర్మ విడుదల చేయనున్నారు.
 
మరోవైపు విజయవాడలో జరిగిన ఫ్యాక్షన్‌ రాజకీయాల బ్యాక్ డ్రాప్ లో 'వంగవీటి' సినిమా వాస్తవానికి విరుద్ధంగా ఉందని వంగవీటి మోహనరంగా కొడుకు రాధాకృష్ణ హైకోర్టులో వ్యాజ్యం దాఖలు చేసిన సంగతి తెలిసిందే. ఈ సాంగ్‌ను తొలగిస్తామని దర్శకుడు కోర్టుకు హామీ ఇవ్వడంతో ఈ పిటిషన్‌ను హైకోర్టు కొట్టేసింది.

అరాచకాలకు పాల్పడితే సహించేది లేదు : వైకాపా గూండాలకు చంద్రబాబు హెచ్చరిక!!

Allu Arjun: నా ఫ్రెండ్ రవిచంద్రకి విషెస్ చెప్పా, మావయ్య పవన్ కల్యాణ్‌కు మద్దతు

తొలిసారి ఓటు వేస్తున్నాం... ఓటును అమ్ముకోవడానికి సిద్ధంగా లేం... : 30 యానాది కుటుంబాల ఓటర్లు!!

ఆంధ్రాలో ఉదయం 6.30 గంటలకే పోలింగ్ కేంద్రాలకు బారులు తీరిన ఓటర్లు!!

ఏంటి.. టీడీపీ ఏజెంటుగా కూర్చొంటావా.. చంపేసి శవాన్ని పోలింగ్ కేంద్రానికి పంపితే దిక్కెవరు?

పైల్స్‌ సమస్య, ఈ ఆహారాన్ని తినకుండా వుంటే రిలీఫ్

మేడ మెట్లు ఎలాంటి వారు ఎక్కకూడదో తెలుసా?

ఖాళీ కడుపుతో మునగ ఆకుపొడి నీరు తాగితే ప్రయోజనాలు ఏమిటి?

అంతర్జాతీయ నర్సుల దినోత్సవం: నర్సులను సత్కరించిన కేర్ హాస్పిటల్స్ గ్రూప్

నల్లద్రాక్షను తినేవారు తెలుసుకోవాల్సిన విషయాలు

తర్వాతి కథనం
Show comments