నందమూరి బాలకృష్ణ, క్రిష్ జాగర్లమూడి కాంబినేషన్లో తెరకెక్కుతున్న చిత్రం ఎన్టీఆర్ బయోపిక్. రెండు పార్టులుగా ప్రేక్షకుల ముందుకురానున్న ఈ చిత్రాన్ని స్వర్గీయ ఎన్టీఆర్ జీవిత చరిత్రను ఆధారంగా చేసుకుని నిర్మిస్తున్నారు. ఈ చిత్రం మొదటి భాగం జనవరి 9వ తేదీన రిలీజ్‌కానుంది.
అత్యంత ప్రతిష్టాత్మకంగా తెరకెక్కుతున్న ఈ చిత్రంలో పలువురు సీనియర్ నటీనటుల పాత్రల్లో నేటి తరం హీరో హీరోయిన్లు నటిస్తున్నారు. ముఖ్యంగా, అలనాటి అందాల హీరోయిన్లు శ్రీదేవి, జయప్రద వంటి పాత్రల్లో టాలీవుడ్ యంగ్ కథానాయికలను ఎంపిక చేస్తున్నారు.
ఈ కోవలో ఇప్పటికే శ్రీదేవి పాత్రలో రకుల్ ప్రీత్ సింగ్‌ను ఎంపిక చేయగా, ఇపుడు జయప్రద రోల్‌ కోసం మిల్కీ బ్యూటీ తమన్నాను ఎంపిక చేసినట్టు సమాచారం. నిజానికి ఎన్టీఆర్ చిత్రాల్లో జ‌య‌ప్ర‌ద‌కి కూడా ప్ర‌త్యేక స్థానం ఉంది. ఇప్పుడు ఆమె పాత్ర కోసం మిల్కీ బ్యూటీ తమ‌న్నాని ఎంపిక చేసినట్టు వార్తలు వినిపిస్తున్నాయి.
ఎన్టీఆర్ - జయప్రద కాంబినేషన్లో వ‌చ్చిన 'సూపర్‌ మ్యాన్', 'అడవి రాముడు', 'చాణక్య చంద్రగుప్తా', 'యమగోల' చిత్రాలు భారీ విజ‌యం సాధించాయి. ఈ క్ర‌మంలో ఎన్టీఆర్ బ‌యోపిక్‌లో జయప్రద పాత్ర‌ని చేర్చాల‌ని టీం భావించ‌గా తమన్నా ఆ పాత్రకి స‌రిపోతుంద‌ని అనుకుంటున్నార‌ట. దీనిపై క్లారిటీ రావ‌ల‌సి ఉంది.
కాగా, ప్రస్తుతం తమన్నా "ఎఫ్ 2" అనే మ‌ల్టీ స్టార‌ర్‌లో విక్టరీ వెంకటేష్ సరసన నటిస్తోంది. దీంతో పాటు కునాల్ కోహ్లి డైరెక్ష‌న్‌లో తెరకెక్కుతున్న సినిమాతో పాటు చిరంజీవి ""సైరా", హిందీలో "ఖామోషి", త‌మిళ్‌లో "క‌న్నె క‌లైమాని" అనే సినిమాలు చేస్తుంది. రీసెంట్‌గా 'ద‌టీజ్ మ‌హాల‌క్ష్మీ' అనే సినిమా చిత్రీక‌ర‌ణకి గుడ్ బై చెప్పింది ఈ మిల్కీ బ్యూటీ.