జీవితంలో లవ్ ఫెయిల్యూర్ - హార్ట్ బ్రేక్‌‍లు ఉన్నాయి : మిల్కీ బ్యూటీ

తన జీవితంలో కూడా లవ్ ఫెయిల్యూర్స్ ఉన్నాయని మిల్కీబ్యూటీ అన్నారు. దక్షిణాదిలో ఈ భామకు అవకాశాలు తగ్గిపోవడంతో బాలీవుడ్‌పై దృష్టిసారించింది. అక్కడ సినిమాలతో పాటు వెబ్‌సిరీస్‌‍లలో నటిస్తూ ఎంతో బిజీగా ఉంటుంది. అదేసమయంలో ఐటెం సాంగులతో ప్రేక్షకులను అలరిస్తోంది. తాజాగా ఇటీవల ఓ ఇంటర్వ్యూలో తమన్నా మాట్లాడుతూ తన జీవితానికి సంబంధించి ఓ ఆసక్తికర విషయాన్ని వెల్లడించింది.

తన జీవితంలో రెండు లవ్ ఫెయిల్యూర్లు (హార్ట్ బ్రేక్స్) ఉన్నాయని తమన్నా తెలిపింది. టీనేజ్‌లో ఉన్నప్పుడు తాను ప్రేమలో పడ్డానని... అయితే ఆ లవ్ ఎక్కువ కాలం కొనసాగలేదని చెప్పింది. ఆ సమయంలో తాను ఏదో సాధించాలనే తపనతో ఉన్నానని... ఒక వ్యక్తి కోసం తన జీవితాన్ని వదులుకోవాలనిపించలేదని తెలిపింది. ఆ విధంగా తాను తొలి హార్ట్ బ్రేక్‌ను ఎదుర్కొన్నానని వెల్లడించింది. 

ఆ తర్వాత తాను మరొక వ్యక్తితో ప్రేమలో పడ్డానని... ఆ ప్రేమ కూడా ఎక్కువ కాలం కొనసాగలేదని గుర్తుచేసింది. ప్రతి విషయానికి అతను అబద్ధం చెప్పేవాడని... దీంతో, ఆ వ్యక్తితో బంధాన్ని తాను కంటిన్యూ చేయలేకపోయానని చెప్పింది. ఆ విధంగా తాను రెండో హార్ట్ బ్రేక్‌‍ను ఎదుర్కొన్నానని తెలిపింది. మరోవైపు ప్రస్తుతం తమన్నా యాక్టర్ విజయ్ వర్మతో ప్రేమలో ఉన్న సంగతి తెలిసిందే. వీరిద్దరూ పెళ్లి చేసుకుంటారనే వార్తలు కూడా వినిపిస్తున్నాయి.