చరిత్ర మనతోనే మొదలవ్వాలి : సైరా టీజర్ రిలీజ్

మెగాస్టార్ చిరంజీవి నటిస్తున్న తాజా చిత్రం "సైరా నరసింహా రెడ్డి". ఈ టీజర్ కోసం మెగా అభిమానులంతా ఎపుడెపుడా అని ఎదురు చూస్తుండగా, ఎట్టకేలకు మంగళవారం విడుదల చేశారు. అక్టోబరు రెండో తేదీన విడుదలకానున్న ఈ చిత్రం తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారంగా తెరకెక్కించారు. 

ఈ చిత్రంలో నయనతార, అమితాబ్ బచ్చన్, విజయస్ సేతుపతి, సుదీప్, జగపతిబాబు వంటి హేమాహేమీ నటులు కీలక పాత్రలను పోషిస్తున్నారు. మెగా పవర్ స్టార్ రామ్ చరణ్ ఈ చిత్రాన్ని రూ.250 కోట్ల వ్యయంతో ఈ చిత్రాన్ని నిర్మించారు. 

అయితే, తాజాగా ఈ చిత్రం ట్రైలర్‌ను విడుదల చేశారు. పవర్ స్టార్ పవన్ కళ్యాణ్ వాయిస్‌తో ఇది మొదలవుతుంది. "చరిత్రలో మనం ఉండకపోవచ్చు. కానీ, చరిత్ర మనతోనే మొదలవ్వాలి" అనే డైలాగ్‌తో ఈ ట్రైలర్‌ ముగుస్తుంది. 

ఈ సినిమాను అక్టోబరు రెండో తేదీన గాంధీజయంతి సందర్భంగా తమిళం, తెలుగు, కన్నడం, మలయాళం భాషల్లో ఒకేసారి విడుదల చేసే అవకాశముందని టాలీవుడ్ వర్గాలు చెబుతున్నాయి.. మెగాస్టార్ యాక్షన్ సీన్లతో ఒళ్లు గగుర్పొడిచేలా ఉన్న ఈ టీజర్‌నూ మీరూ చూసేయండి.