హీరో సుధీర్ బాబు నోరు జారాడా? మహేష్ బాబు ఫ్యాన్స్ అయోమయం...

హీరో సుధీర్ బాబు న‌టించిన తాజా చిత్రం న‌న్ను దోచుకుందువ‌టే. ఈ సినిమా ప్ర‌మోష‌న్లో భాగంగా సుధీర్ బాబు కాలేజీల‌ని ఓ రౌండ్ చుట్టేస్తూ యూత్‌కి దగ్గ‌ర‌య్యేందుకు ప్ర‌య‌త్నిస్తున్నాడు. ఈ సినిమా సెప్టెంబ‌ర్ 13న ప్రేక్ష‌కుల ముందుకు వ‌చ్చేందుకు రెడీ అవుతోంది.

హీరో సుధీర్ బాబు న‌టించిన తాజా చిత్రం న‌న్ను దోచుకుందువ‌టే. ఈ సినిమా ప్ర‌మోష‌న్లో భాగంగా సుధీర్ బాబు కాలేజీల‌ని ఓ రౌండ్ చుట్టేస్తూ యూత్‌కి దగ్గ‌ర‌య్యేందుకు ప్ర‌య‌త్నిస్తున్నాడు. ఈ సినిమా సెప్టెంబ‌ర్ 13న ప్రేక్ష‌కుల ముందుకు వ‌చ్చేందుకు రెడీ అవుతోంది. ఈ సినిమాని సుధీర్ బాబు త‌న సొంత బ్యాన‌ర్లో నిర్మించారు. ఈ మూవీ ఫ‌స్ట్ లుక్ & టీజ‌ర్‌కి మంచి స్పంద‌న ల‌భించింది. ఇటీవ‌ల స‌మ్మోహ‌నం సినిమా మంచి విజ‌యాన్ని అందించింది. దీంతో ఈ సినిమాపై కూడా మంచి అంచ‌నాలు ఉన్నాయి.

ఇదిలా ఉంటే.. ఈ సినిమా ప్ర‌మోష‌న్లో భాగంగా మీడియాతో మాట్లాడుతూ... సూప‌ర్ స్టార్ కృష్ణ బ‌యోపిక్ రానుంద‌ని ఎనౌన్స్ చేసాడు. ఈ బ‌యోపిక్ గురించి క‌థా చ‌ర్చ‌లు జ‌రుగుతున్నాయో ఏమో కానీ.. సుధీర్ బాబు ఎనౌన్స్ చేయ‌డం హాట్ టాపిక్ అయ్యింది. ఫ్యాన్స్ అయితే కృష్ణ బ‌యోపిక్ రావాల‌ని కోరుకుంటున్నారు. 

అయితే.. ఈ సినిమాని డైరెక్ట్ చేసేది ఎవ‌రు..? నిర్మాత ఎవ‌రు..? ఈవేమీ తెలియ‌కుండానే సుధీర్ బాబు ఎనౌన్స్ చేసేసార‌ని... ఫ్యాన్స్‌ని చూసిన ఆనందంలో నోరు జారాడేమో అనే టాక్ వినిపిస్తోంది. మరోవైపు మహేష్ బాబు ఫ్యాన్స్ ఈ కామెంట్లపై అయోమయంలో వున్నారట.