కరోనా సంక్షోభ సమయంలో లాక్డౌన్ నేపధ్యంలో నిరుపేదలకు బాసటగా నిలుస్తూ, కార్మికులకు అండగా ఉంటూ పేదప్రజల పాలిట పెన్నిధిగా మారాడు. రీల్లైఫ్ హీరోగా నిలిచాడు. సోనూసూద్ చేసే సేవలకు దేశం యావత్తూ ఫిదా అయింది. ప్రభుత్వాలు చేయలేని పనిని సోనూసూద్ చేస్తున్నాడంటూ ప్రశంసలు కురిపించారు.
స్టార్ హీరోల కంటే ఎక్కువ పాపులారిటీ సంపాదించాడు. ఈ సోనూసూద్ బిగ్బాస్ కంటెస్టెంట్ గురించి మాట్లాడటం ఆసక్తి రేపుతోంది. తాజాగా ఈయన తెలుగు బిగ్బాస్ షోపై స్పందిస్తూ.. సింగర్ శ్రీరామచంద్రకు తన మద్దతు ప్రకటించాడు. దీనికి సంబంధించిన ఓ వీడియో ఇన్స్టాగ్రామ్లో సందడి చేస్తోంది.
బిగ్ బాస్ ప్రారంభమై అప్పుడే 66 ఎపిసోడ్లు పూర్తయ్యాయి. 19 మంది కంటెస్టెంట్ల నుంచి ఒక్కొక్కరిగా ఎలిమినేట్ అవుతూ ఇప్పుడు పదిమంది మిగిలారు. ఈ పదిమందిలో జెస్సీ చికిత్స నిమిత్తం సీక్రెట్ రూమ్లో ఉన్నాడు. ఇప్పుడున్న కంటెస్టెంట్లలో సింగర్ శ్రీరామచంద్ర, సన్నీ, యాంకర్ రవి, మానస్, యూట్యూబర్ షణ్ముఖ్, జెస్సీలతో పాటు సిరి, యానీ మాస్టర్, ప్రియాంక, కాజల్లు ఉన్నారు.