ఇంట్లోనే పురుషులుంటే.. వీధుల్లోకి మహిళలు వెళ్తే పరిస్థితి ఏంటి? చిన్మయి

ప్రముఖ గాయని చిన్మయి మళ్లీ వార్తల్లో నిలిచింది. ప్రపంచంలో ఎక్కడా మహిళలు సురక్షితంగా లేరని నొక్కి చెప్పారు. మీటూ ఉద్యమాన్ని దక్షిణాదిన ప్రారంభించిన చిన్మయి.. మహిళలకు ఇంట్లోనూ బయట అన్నీ చోట్లా  బహిరంగంగా వేధింపులు జరుగుతాయని చెప్పింది.

ఈ విషయాన్ని హైలైట్ చేస్తూ ఆమె ఇటీవల ఇన్‌స్టాగ్రామ్‌లో ఒక వీడియోను పోస్ట్ చేసింది. ఆ వీడియోలో, బస్సులో ఒక వ్యక్తి ఒక మహిళ పట్ల అనుచితంగా ప్రవర్తించడం కనిపిస్తుంది. దీనికి ప్రతిస్పందిస్తూ, చిన్మయి, మన దేశ రవాణా వ్యవస్థ ఇలా ఉంది; అలాంటి వ్యక్తులు ప్రతిచోటా ఉంటారు.

తల్లిదండ్రులు తమ కూతుళ్లను రక్షించుకోవాలనుకుంటే, వారికి స్కూటర్ కొనాలని, అది వారికి సురక్షితమైన ఎంపిక అని ఆమె సూచించారు. దేవాలయాల వద్ద మహిళలు క్యూలలో నిలబడి ఉన్నప్పుడు కూడా ఇలాంటి సంఘటనలు జరుగుతాయని చిన్మయి ఆరోపించారు.

వీడియోలో ఉన్న అమ్మాయి చున్నీ, దుపట్టా ధరించి ఉంది. అయినప్పటికీ అతను ఇలాగే ప్రవర్తిస్తున్నాడు. మీమ్స్ సృష్టించేవాళ్ళు, దీనిని గమనించండి. అందరు పురుషులను ఇళ్లలోనే ఉంచితే, మహిళలు బయట సురక్షితంగా ఉంటారు. కానీ మహిళలు సురక్షితంగా బయటకు అడుగు పెట్టగలిగినప్పటికీ, ఇంట్లో వారిని వేధించే వారు ఇప్పటికీ ఉన్నారని ఆమె తన పోస్ట్‌లో రాసింది.