కరోన లాక్డౌన్ జీవితానికి ఎన్నో పాఠాలు నేర్పింది : శృతిహాసన్

టాలీవుడ్ హీరోయిన్లలో ఒకరు శృతిహాసన్. విశ్వనటుడు కమల్ హాసన్ ముద్దులు కుమార్తెల్లో ఒకరు. టాలీవుడ్‌లో అగ్ర హీరోయిన్. ఐరెన్ లెగ్ ముద్ర నుంచి బయటపడి వరుస చిత్రాల్లో నటిస్తోంది. అయితే, ఈ అమ్మడు కెరీర్ పీక్ దశలో ఉన్నపుడు ఓ బ్రిటన్ కుర్రోడితో ప్రేమలోపడింది. తొలుత ప్రేమ, ఆ తర్వాత డేటింగ్, పిమ్మట పెళ్లి అంటూ వార్తలు వచ్చాయి. చివరకు వీరిద్దరి ప్రేమ పెటాకులైంది. దీన్ని నుంచి కోలుకునేందుకు ఆమె కొంత సమయం తీసుకుంది. ఆ తర్వాత తన సినీ కెరీర్‌పై దృష్టిసారించి, పలు చిత్రాల్లో నటించేందుకు సంతకాలు చేసింది. 

ఇంతలోనే కరోనా వైరస్ ప్రపంచాన్ని కమ్మేసింది. ఈ వైరస్ ప్రతి ఒక్కరి జీవితాలను ప్రభావితం చేసిందని చెప్పొచ్చు. మరికొందరికి నిరాశ మిగిల్చింది. ఇంకొదరికి తమ అసలైన జీవితం ఏమిటో అనుభవపూర్వకంగా కళ్ళకుకట్టినట్టు చూపించింది. అనుక్షణం బిజీగా గడిపే సినీ సెలబ్రిటీలు సైతం నెలల తరబడి ఇళ్లకే పరిమితమయ్యారు. ఈ ఖాళీ సమయంలో అనేక విషయాలు నేర్చుకున్నట్టు శృతిహాసన్ చెప్పుకొస్తోంది. 

మనుషుల గురించి, మానవత్వం గురించి, మన బలాలు, బలహీనతల గురించి ఈ సంవత్సరం ఎంతో నేర్చుకున్నానని శ్రుతి తెలిపింది. తాను ఎంత ఒంటరి వ్యక్తినో, తనకు మనుషులు ఇచ్చే విలువ ఏంటో తెలుసుకున్నానని చెప్పింది. ముఖ్యంగా తనను తాను ఎలా ప్రేమించుకోవాలనే విషయాన్ని నేర్చుకున్నానని తెలిపింది. తాను ఎక్కడ ఉన్నానో తెలుసుకునేందుకు ఈ సమయం ఎంతో ఉపయోగపడిందని చెప్పింది. సినీ ప్రపంచం, కళ, అవి తనకిచ్చే ప్రేమ గురించి తెలుసుకున్నట్టు శృతిహాసన్ చెప్పుకొచ్చింది.