ముకుంద, కంచె, లోఫర్ వంటి సినిమాలతో దూసుకెళ్తున్న వరుణ్ తేజ్ ప్రస్తుతం శ్రీనువైట్ల దర్శకత్వంలో మిస్టర్ మూవీలో నటిస్తున్నాడు. ఈ సినిమా షూటింగ్ చివరి దశలో ఉంది. ఈ సినిమా పూర్తయ్యాక హ్యాపీడేస్ దర్శకుడు శేఖర్ కమ్ముల డైరక్షన్‌లో సినిమాకు వరుణ్ తేజ్ నటించేందుకు ఓకే చెప్పేశాడు. దిల్‌రాజు నిర్మాణంలో రాబోతున్న ఈ సినిమా ఓ అమెరికా అబ్బాయి- తెలంగాణ అమ్మాయికీ మధ్య జరిగే లవ్ స్టోరీగా తెరకెక్కుతోంది.
త్వరలో ఈ సినిమాకు సంబంధించిన వివరాలు దిల్ రాజు త్వరలో ప్రకటించనున్నారు. దాదాపు రెండేళ్ల గ్యాప్ తర్వాత లైఫ్ ఈజ్ బ్యూటిఫుల్, అనామిక సినిమాలు తెరకెక్కించిన శేఖర్ కమ్ముల.. మరో రెండేళ్ల గ్యాప్ తర్వాత వరుణ్ తేజ్‌తో సినిమాకు రెడీ అవుతున్నారు. త్వరలోనే ఈ సినిమా సెట్స్‌పైకి రానుంది. మరి ఈ సినిమాకు శేఖర్ కమ్ములకు మంచి హిట్ సంపాదించిపెడుతుందో లేదో వేచి చూడాల్సిందే.