భూమికకు భర్తతో గొడవలు మొదలయ్యాయా? విడాకులు తీసుకుంటుందా?

సినీ ఇండస్ట్రీలో పెళ్ళిళ్లు, విడాకులు సర్వసాధారణమైపోయాయి. హీరోయిన్లు దర్శకులను లేదా పారిశ్రామిక వేత్తల్ని పెళ్లాడే సంస్కృతి ఇంకా కొనసాగుతూనే ఉంది. ఇదే కోవలో మిస్సమ్మ హీరోయిన్ భూమికకు కూడా భర్త నుంచి కష్టాలు మొదలయ్యాయి. దీంతో భూమిక తన భర్త నుంచి దూరం కావాలనుకుంటుంది. అయితే ఇదంతా నిజం అనుకుంటే మాత్రం మీరు పప్పులో కాలేసినట్టే. భర్తకు భూమిక దూరం కావడం రీల్ లైఫ్‌లో.. రియల్ లైఫ్‌లో కాదు. 

టాలీవుడ్‌కి దూరంగా ఉన్న భూమిక.. గత ఏడాది ఇంద్రజిత్ లోకేష్ దర్శకత్వంలో శాండిల్‌వుడ్‌లో వచ్చిన ఐ లవ్ అలియా అనే సినిమాను అదే పేరుతో హిందీలో రిలీజ్ చేస్తున్నారు. ఈ మూవీలో భూమిక కూడా నటిస్తోంది. ఆమె పేరు కూడా భూమి. ఈమె ఓ డాన్స్ టీచర్. ఓ బిడ్డకు జన్మనిచ్చిన తర్వాత తన భర్తతో నిత్యం గొడవలు మొదలవుతాయి. ఈ క్రమంలో భర్త నుంచి విడిపోవాలని కోరుకుంటుందట. 

భూమికకు భర్తగా రవిచంద్రన్ కనిపించనున్నాడు. మిగతా క్యారెక్టర్స్‌లో సన్నీలియోన్, చంద్రన్‌కుమార్, సంగీత చౌహాన్, షాయాజి షిండే కనిపిస్తారు. ఇప్పటికే షూటింగ్‌ను పూర్తి చేసుకున్న ఈ సినిమా జూన్‌లో రిలీజ్ కానుంది. ఈ సినిమాతో భూమిక మంచి గుర్తింపు వస్తుందని, సెకండ్ ఇన్నింగ్స్‌కు ఢోకా లేదనుకుంటుంది.