సినీ నటి షకీలా జీవిత చరిత్ర బయోపిక్ తెరకెక్కుతోంది. డైరక్టర్ లంకేష్ ఈ చిత్రానికి దర్శకత్వం వహిస్తున్నారు. ఈ సినిమాలో షకీలా పాత్రను బాలీవుడ్ నటి రిచా చద్దా పోషిస్తోంది. ఈ నేపథ్యంలో, షకీలాను రిచా కలుసుక
సినీ నటి షకీలా జీవిత చరిత్ర బయోపిక్ తెరకెక్కుతోంది. డైరక్టర్ లంకేష్ ఈ చిత్రానికి దర్శకత్వం వహిస్తున్నారు. ఈ సినిమాలో షకీలా పాత్రను బాలీవుడ్ నటి రిచా చద్దా పోషిస్తోంది. ఈ నేపథ్యంలో, షకీలాను రిచా కలుసుకుంది. ఈ సందర్భంగా షకీలా మాట్లాడుతూ, రిచా కూడా తనలాగే ధైర్యంగా ఉంటుందని తెలిపింది.
రిచా స్క్రిప్ట్‌ను పూర్తిగా అర్థం చేసుకోగల నటి అని షకీలా కితాబిచ్చింది. ఈ సినిమాకు సంబంధించి తాను ఏదీ దాచలేదని... తన జీవితంలో జరిగిన ప్రతి విషయాన్ని చెప్పానని... నిజాలు దాచి, సినిమా తీస్తే బయోపిక్‌కు అర్థం లేదని చెప్పింది.
సినిమాల్లో హీరోలకు, హీరోయిన్లకు డూప్‌లను ఉపయోగిస్తారని తెలుసు. కానీ నగ్నంగా నటించేందుకు ఒప్పుకోని హీరోయిన్లకు డూప్‌లను ఉపయోగించి న్యూడ్‌గా చూపుతారని తనకు తెలియదు. తన విషయంలో అదే జరిగింది. తాను లేకుండానే ఓ సీన్‌లో మరో మహిళను డూప్‌గా ఉపయోగించి తాను నగ్నంగా నటించినట్టు చూపించారని షకీలా తెలిపింది.
అర్ధనగ్న సన్నివేశాలను వ్యతిరేకించడం వల్ల మూడేళ్లు సినిమాలకు దూరంగా ఉన్నానని, ఆ సమయంలో కొంత మంది బ్లూ ఫిలింస్‌లో నటిస్తారా అని సంప్రదించారు. అలాంటి గడ్డుపరిస్థితిలో దర్శకుడు తేజ పిలిచి జయం సినిమాలో అవకాశం ఇచ్చారు. దాంతో తన ఇమేజ్ పూర్తిగా మారిపోయింది. కన్నడలో చాలా అవకాశాలు వచ్చాయి. క్యారెక్టర్ ఆర్టిస్టుగా అవకాశాలు పెరిగాయని షకీలా చెప్పింది.