కథానాయకుడు సత్యదేవ్ నటిస్తున్న కొత్త చిత్రం క్రిష్ణమ్మ. అర్చన శాస్త్రి, అథిరారాజ్ నాయికలుగా నటిస్తుండగా, సత్యం రాజేష్, లక్మణ్ మీసాల, రఘు కుంచె తదితరులు నటిస్తున్నారు. వివి గోపాలక్రిష్ణ దర్శకత్వం వహిస్తున్న ఈ చిత్రం రిలీజ్ డేట్ విడుదల చేసే గ్లింప్స్ ను కొద్దిసేపటి క్రితమే చిత్ర యూనిట్ విడుదల చేసింది.
రాజమండ్రి కేంద్ర కారాగారంలో ఖైదీని విడుదలచేసే పేపర్ పై ముద్రవేసిన అధికారి నుంచి లక్మణ్ మీసాల తీసుకుని సీరియస్ గా వచ్చి జైలులో వున్న సత్యదేవ్ ను భ్రదా రిలీజ్ అవ్వబోతున్నామ్ రా.. అంటాడు. భ్రద సీరియస్ ఎప్పుడూ అనగానే.. పేపర్ చేతికిస్తాడు. ఆ తర్వాత దానిని చూస్తూ.. ఫ్లాష్ బ్యాక్ లోకి వెళతాడు. పోలీసులు అతన్ని కొడుతున్నట్లు.. అమ్మవారి ఎరుపు రంగు దుస్తులు మాలలో వేసుకున్నప్పుడు ఓ ఫైట్ వెంట వెంటనే చూపిస్తాడు. ఆ తర్వాత మే మూడవ తేదీ రిలీజ్ అంటూ తెలియజేస్తూ గ్లింప్స్ లో తెలియజేశారు. కాలభైరవ సంగీతం సమకూర్చిన ఈ సినిమాకు కొరటాల శివ సమర్పకుడుగా వ్యవహరిస్తున్నారు.