''మీ టూ'' ఉద్యమం దేశ వ్యాప్తంగా వైరల్ అవుతున్న సంగతి తెలిసిందే. ఈ ఉద్యమంపై బాలీవుడ్ మెగాస్టార్ అమితాబ్ బచ్చన్ స్పందించారు. మహిళలు ఎక్కడపడితే అక్కడ లైంగిక వేధింపులు ఎదుర్కొంటున్నారు. అది మనసుని కలచి వేస్తోందని చెప్పారు. ఈ కామెంట్లపై ప్రముఖ సెలబ్రిటీ హెయిర్‌ స్టయిలిస్ట్‌ సప్నా మండిపడ్డారు.
బిగ్ బి చేసే వ్యాఖ్యల్లో నిజం లేదన్నారు. సర్‌.. మీరు నటించిన పింక్‌ సినిమా వచ్చింది. వెళ్లిపోయింది. ''అదేవిధంగా మీకున్న సామాజికవేత్త అనే బిరుదు కూడా పోతుంది. త్వరలో మీ నిజాలు బయటపడతాయి.'' అంటూ ట్వీట్ చేసింది.
అంతటితో ఆగలేదు తన ట్వీట్ చదివి అమితాబ్ కంగారులో చేతులు కొరుక్కుంటూ ఉంటారు. ఎందుకంటే కొరుక్కోవడానికి ఆయనకున్న గోళ్లు సరిపోవంటూ ట్వీట్ చేశారు. ఈ ట్వీట్ ప్రస్తుతం నెట్టింట్లో చర్చనీయాంశంగా మారింది. అమితాబ్ గురించి సప్నా ఎలాంటి నిజం బయటపెడుతుందోనని ఆయన ఫ్యాన్స్ ఆవేదన వ్యక్తం చేస్తున్నారు. అసలు ఏం జరిగిందని నెటిజన్లు సప్నాను ప్రశ్నిస్తున్నారు.