ఎన్నికల ఫలితాల వెల్లడి సమయంలో న్యూస్ ఛానళ్లు చేసే హడావుడిగా ఉంటుందో ప్రత్యేకంగా చెప్పనక్కర్లేదు. ఎన్నికల ఫలితాల అప్‌డేట్స్‌ను లైవ్‌లో ఇస్తున్నపుడు తప్పులు దొర్లకుండా చూసుకోవడం చాలా అవసరం. అయితే రిపబ్లిక్ టీవీలో ఇవాళ ఫలితాలు వెల్లడిస్తున్న సమయంలో ఫన్నీ సన్నివేశం చోటుచేసుకుంది.
వార్తలను అందించే అర్నబ్ గోస్వామి ఎంతో అనుభవం ఉన్నప్పటికీ పేర్లను మార్చి చదివారు. గురుదాస్‌పూర్ లోక్‌సభ స్థానం నుంచి పోటీ చేస్తున్న నటుడు సన్నీడియోల్ ఓట్ల వివరాలు చెప్పే ప్రయత్నంలో భాగంగా ఎడిటర్, ప్రైమ్ టైం యాంకర్ అర్నాబ్ గోస్వామి పప్పులో కాలేశారు.
అర్నాబ్ గోస్వామి బీజేపీ అభ్యర్థి సన్నీడియోల్‌కు బదులుగా సన్నీలియోన్ అంటూ చెప్పాడు. ఈ వీడియో సోషల్ మీడియాలో వైరల్ కావడంతో సన్నీలియోన్ స్పందించింది. ఎన్ని ఓట్ల ఆధిక్యంలో ఉన్నానని అడుగుతూ సన్నీలియోన్ ఫన్నీగా ట్వీట్ చేసింది.