రవితేజ నటించే తాజా చిత్రం ఎప్పుడెప్పుడా అని ఎదురుచూస్తున్న ప్రేక్షకులకు ఇప్పుడు గ్రీన్‌ సిగ్నల్‌ పడింది. ఆయన నటిస్తున్న 'ఎవడో ఒకడు'కు బ్రేక్‌ పడింది. దాంతో చక్రి దర్శకత్వంలో 'రాబిన్‌ హుడ్‌' సినిమా చేస్తున్నట్టుగా రవితేజ ప్రకటించాడు. అప్పటి నుంచి ఈ సినిమా ఎప్పుడు మొదలవుతుందా అని ఆయన అభిమానులంతా ఆతృతగా ఎదురుచూస్తున్నారు. కానీ ఈ సినిమాకి సంబంధించిన విషయాలేవీ ఈ మధ్యలో బయటికి రాలేదు.
తాజాగా రాశీఖన్నా తను ఈ చిత్రంలో చేస్తున్నట్లు ప్రకటించింది. దాంతో చిత్రం ఖారారయినట్లుగా తెలిసిపోయింది. 'రాబిన్‌ హుడ్‌' సినిమాకి సంబంధించిన ప్రీ-ప్రొడక్షన్‌ పనులు జరుగుతున్నాయనీ, జూన్‌లో ఈ సినిమా సెట్స్‌ పైకి వెళ్లనుందని అంటున్నారు. ఈ సినిమాలో రవితేజ సిక్స్‌ ప్యాక్‌తో కనిపిస్తాడనీ, ఆయన పాత్రను చక్రి వైవిధ్యభరితంగా తీర్చిదిద్దాడని చెబుతున్నారు. కొత్త దర్శకుడితో రవితేజ చేయనున్న ఈ సినిమా రవితేజకు పూర్వవైభవం చేకూరుతుందేమో చూడాలి.