అసెంబ్లీని నిర్మించడం దండగ.. గ్రీన్ మ్యాట్ చాలు 'బాహుబలియన్ అసెంబ్లీ' రెడీ: వర్మ

విభజనకు తర్వాత నిధులు లేక, స్పెషల్ స్టేటస్ లేకుండా.. స్పెషల్ ప్యాకేజీ కోసం కేంద్రం నుంచి డబ్బెప్పుడు వస్తుందా అని ఎదురుచూస్తున్న ఏపీ సర్కారుపై ఇప్పటికే విమర్శలు వెల్లువెత్తుతున్నాయి. రాజధాని నిర్మాణం,

విభజనకు తర్వాత నిధులు లేక, స్పెషల్ స్టేటస్ లేకుండా.. స్పెషల్ ప్యాకేజీ కోసం కేంద్రం నుంచి డబ్బెప్పుడు వస్తుందా అని ఎదురుచూస్తున్న ఏపీ సర్కారుపై ఇప్పటికే విమర్శలు వెల్లువెత్తుతున్నాయి. రాజధాని నిర్మాణం, అసెంబ్లీ నిర్మాణాలు ఎక్కడ వేసిన గొంగళి అక్కడే అన్న చందంగా వుంది. ఈ నేపథ్యంలో వివాదాస్పద దర్శకుడు రామ్ గోపాల్ వర్మ స్పందించారు. 

కోట్ల రూపాయలు ఖర్చు చేసి అసెంబ్లీని నిర్మించడం దండగ అని వర్మ చెప్పుకొచ్చారు. అంతేగాకుండా ఏపీ ప్రభుత్వానికి ఓ గొప్ప సలహాను ఇస్తున్నానని.. అసెంబ్లీ సమావేశాలను గ్రీన్ మ్యాట్ స్క్రీన్ ముందు నిర్వహించాలన్నారు. ఆ తర్వాత రాజమౌళి సహకారంతో గ్రాఫిక్స్ జతచేసి టెలికాస్ట్ చేస్తే అద్భుతంగా వుంటుందని చెప్పుకొచ్చారు. ఇలా చేస్తే అసెంబ్లీ ప్రపంచంలోని అన్నీ అసెంబ్లీల కంటే గొప్పగా వుంటుందని చెప్పుకొచ్చారు. ఎందుకంటే ఇది ''బాహుబలియన్ అసెంబ్లీ'' కాబట్టి అంటూ ఎద్దేవా చేశారు.