ఒక అమ్మాయిని బలవంతం చేసి లొంగదీసుకుని అనుభవించిన దాఖలాలు ఇప్పటివరకు వరకు లేదని ప్రముఖ దర్శకుడు రాంగోపాల్ వర్మ వ్యాఖ్యానించారు. ఆయన ఆదివారం ఓ పత్రికకు ప్రత్యేక ఇంటర్వ్యూ ఇచ్చారు. ఈ సందర్భంగా ఆయన మాట్లాడుతూ, మహిళలను శృంగార ఛాయా చిత్రాలుగా (సెక్స్ సింబల్స్) చూస్తారన్నది కేవలం తన అభిప్రాయం మాత్రమేనని చెప్పారు.
ఏదేని ఒక లక్ష్యాన్ని సాధించాలంటే అందుకు స్త్రీ, పురుష సంబంధం ఉండదన్నారు. తన జీవితంలో ఏ ఆర్టిస్టునూ కూడా దేనికీ ఫోర్స్ చేయలేదని, ఒక అమ్మాయిని బలవంతం చేయడం, ఆమెతో తప్పుగా ప్రవర్తించడం ఇంతవరకూ జరగలేదని వర్మ వివరించారు.
అదేసమయంలో స్త్రీ తలచుకుంటే ఏమైనా సాధిస్తుందని, ఆ స్త్రీకి ఉన్న మహాశక్తి ఆకర్షణేనని, మగవాళ్లకు దాన్ని దేవుడు ఇవ్వలేదన్నారు. స్త్రీలు అందంగా ఉంటారు కాబట్టే తాను పొగుడుతానే తప్ప, వారిని కించపరచాలన్న ఉద్దేశంతో తన వ్యాఖ్యలు ఉండవని, వారిని తక్కువ దృష్టితో తాను ఎన్నడూ చూడలేదని చెప్పారు.