శ్రీమంతుడిని వెనక్కి నెట్టిన ''రంగస్థలం'': సీక్వెల్‌లో చిట్టిబాబుకు సౌండ్ వినిపిస్తుందట..

రామ్ చరణ్ హీరోగా సుకుమార్ దర్శకత్వంలో తెరకెక్కిన సినిమా రంగస్థలం. ఈ సినిమా గతవారం విడుదలై కలెక్షన్ల వర్షం కురిపిస్తోంది. చెర్రీ, సమంత హీరోహీరోయిన్లుగా నటించిన ఈ సినిమా అమెరికాలో నాన్ బాహుబలి రికార్డుల

రామ్ చరణ్ హీరోగా సుకుమార్ దర్శకత్వంలో తెరకెక్కిన సినిమా రంగస్థలం. ఈ సినిమా గతవారం విడుదలై కలెక్షన్ల వర్షం కురిపిస్తోంది. చెర్రీ, సమంత హీరోహీరోయిన్లుగా నటించిన ఈ సినిమా అమెరికాలో నాన్ బాహుబలి రికార్డులన్నింటినీ తుడిచిపెట్టింది. ఇప్పటివరకూ బాహుబలి-2, బాహుబలి-1 సినిమాల తరువాత మూడో స్థానంలో మహేష్ బాబు ''శ్రీమంతుడు'' ఉండగా, ''రంగస్థలం'' దాన్ని కిందకు నెట్టేసింది. 

''శ్రీమంతుడు'' చిత్రం 2.89 మిలియన్ డాలర్ల కలెక్షన్లను వసూలు చేయగా, ''రంగస్థలం'' తొలి పది రోజుల వ్యవధిలోనే 3 మిలియన్ డాలర్ల మార్కును అధిగమించింది. ఈ సినిమా మరింత కలెక్షన్లను సాధించడం ఖాయమని అంచనా వేస్తున్నారు. త్వరలోనే ఈ సినిమా 4 మిలియన్ డాలర్ల మార్క్‌ను దాటేస్తుందని సినీ పండితులు జోస్యం చెప్తున్నారు.

ఇదిలా ఉంటే.. సుకుమార్ దర్శకత్వంలో విడుదలైన రంగస్థలం సినిమా గతవారమే విడుదలై ఘన విజయం సాధించిన సంగతి తెలిసిందే. ఈ సినిమా సీక్వెల్‌పై సుకుమార్ మాట్లాడుతూ ''ప్రేక్షకులకు ఇంత దగ్గరైన చిట్టి బాబు పాత్రను ఇంతటితో వదిలేయాలనుకోవడం లేదు. ఈ పాత్రను కొనసాగించే ఆలోచన చేస్తున్నానని..ఈ సారి చేస్తే చిట్టి బాబుకు చెవిటి ఆపరేషన్ చేయించి సరికొత్త కథ కథనాలతో ఉంటుందని తెలిపాడు. అలాగే సరికొత్త మేకోవర్‌లో, మాటలు వినగలిగే వాడిగా మారుస్తానని సుకుమార్ చెప్పుకొచ్చాడు.