ఉప్పెన హీరో వైష్ణవ్ తేజ్ - రకుల్ ప్రీత్ సింగ్ కాంబినేషన్‌లో క్రిష్ జాగర్లమూడి దర్శకత్వంలో తెరకెక్కుతున్న చిత్రం కొండపొలం. రాయలసీమ ప్రాంతానికి చెందిన ప్రముఖ రచయిత సన్నపురెడ్డి వెంకటరామి రెడ్డి రాసిన ‘కొండపొలం’ నవల ఆధారంగా ఈ చిత్రాన్ని తెరకెక్కిస్తున్నారు. ఈ చిత్రం ఫస్ట్ లుక్ శుక్రవారం రిలీజ్ శారు. ఇందులో వైష్ణవ్‌తేజ్‌ గడ్డంతో రఫ్‌లుక్‌లో కనిపించి ఆక‌ట్టుకున్నాడు.
తాజాగా ఈ సినిమా నుండి రకుల్ ఫస్ట్ లుక్‌‌ను రిలీజ్ చేసింది చిత్రబృందం. ఇందులో రకుల్ పూర్తి గ్రామీణ యువతిగానే కనిపించింది. రకుల్ లుక్ కూడా ఆక‌ట్టుకునేలా ఉంది. నల్లమల అడవిలో సామాన్య గొర్రెలకాపరులు చేసే సాహసోపేతమైన జీవనపోరాటం ఇతి వృత్తంగా తెర‌కెక్కిన ఈ చిత్రాన్ని అక్టోబర్‌ 8న థియేటర్స్‌లో విడుద‌ల చేయ‌నున్నారు.
కాగా, వైష్ణవ్ తేజ్ రెండో సినిమాగా రూపొందుతున్న ఈ చిత్రానికి కీరవాణి అందించిన నేపథ్య సంగీతం.. జ్ఞాన శేఖర్‌ ఛాయాగ్రహణం ప్రధాన ఆకర్షణగా నిలవ‌నున్నాయి. అటవీ నేపథ్యంలో అడ్వెంచరస్‌ చిత్రంగా రూపొందుతున్న ఈ చిత్రంలో వైష్ణవ్.. కటారు రవీంద్ర యాదవ్‌గా కనిపించనున్నారు. బల్లె ఓబులమ్మ అనే గ్రామీణ యువతిగా రకుల్ కనిపించనుంది. ఫస్ట్ ఫ్రేమ్‌ ఎంటర్‌టైన్‌మెంట్స్‌ పతాకంపై సాయిబాబు జాగర్లమూడి, రాజీవ్‌ రెడ్డి ఈ మూవీని నిర్మిస్తున్నారు.