Pushpa-2- పుష్ప-2: 100 సంవత్సరాల హిందీ సినిమా చరిత్రలో కొత్త మైలురాయి

Pushpa-2

ఐకాన్ స్టార్ అల్లు అర్జున్, సుకుమార్‌ల ఎంతో ఆసక్తిగా ఎదురుచూస్తున్న చిత్రం పుష్ప-2: ది రూల్ డిసెంబర్ 5న విడుదలైనప్పటి నుండి ప్రపంచవ్యాప్తంగా బాక్సాఫీస్ వద్ద సంచలనాలు సృష్టిస్తోంది. బ్లాక్‌బస్టర్ దాని అసాధారణ కలెక్షన్లతో రికార్డులను బద్దలు కొడుతోంది.

తాజాగా ఈ పుష్ప-2: ది రూల్ 100 సంవత్సరాల హిందీ సినిమా చరిత్రలో ఒక కొత్త మైలురాయిని సృష్టించింది. ఈ చిత్రం కేవలం 15 రోజుల్లో రూ.632.50 కోట్లు వసూలు చేసింది. ఇంత తక్కువ సమయంలో భారీ కలెక్షన్లతో ఈ  ఘనత సాధించిన మొదటి భారతీయ చిత్రంగా నిలిచింది. 

ముఖ్యంగా, పుష్ప-2 విడుదలైన కేవలం 15 రోజుల్లోనే స్ట్రీ 2 చిత్రం జీవితకాల బాక్సాఫీస్ కలెక్షన్‌ను అధిగమించింది. అదనంగా, ఇది కేవలం 14 రోజుల్లోనే రూ.1,500 కోట్లు దాటిన అత్యంత వేగవంతమైన భారతీయ చిత్రంగా రికార్డు సృష్టించింది. ఈ చిత్రం ముంబై ప్రాంతం నుండి మాత్రమే రూ.200 కోట్లు వసూలు చేసిన మొదటి చిత్రంగా నిలిచింది 

ఇకపోతే.. ప్రపంచ వ్యాప్తంగా ఈ చిత్రం 14 రోజుల్లోనే రూ.1508 కోట్ల గ్రాస్ వసూలు చేసింది. ఇప్పటివరకు కేజీఎఫ్ 2, ఆర్ఆర్ఆర్ కలెక్షన్ల రికార్డులను పుష్ప దాటేసింది. ఇంకా పుష్ప 2.. ప్రభాస్ నటించిన బాహుబలి 2 సాధించి రూ.1810 కోట్ల వసూళ్లను దాటే దిశగా దూసుకెళ్తోంది. 

అంతేగాకుండా ఈ సినిమాలో కొన్ని అదనపు సన్నివేశాలను జతచేసే అవకాశం వుందని..  దీంతో 2 గంటల 20 నిమిషాలున్న ఈ సినిమా నిడివి మరో 20 నిమిషాలు పెరిగే అవకాశం వున్నట్లు చిత్ర బృందం ద్వారా తెలుస్తోంది.