టాలీవుడ్ నటుడు, నిర్మాత బండ్ల గణేష్ కరోనా మహమ్మారి నుంచి తప్పించుకున్నారు. ఇటీవల బండ్ల గణేష్ హెయిర్ ట్రాన్స్ ప్లాంటేషన్ కోసం ఆస్పత్రికి వెళ్లగా డాక్టర్ కరోనా టెస్ట్ చేసుకోవాలని సూచించారు. దాంతో ఆయన టెస్ట్ చేయించుకోగా కరోనా పాజిటివ్‌గా నిర్దారణ అయ్యింది. కరోనా బారిన పడటంతో ఆయన అపోలో ఆస్పత్రిలో చికిత్స పొందారు. చికిత్స అనంతరం ఆయనకు కరోనా నెగిటివ్ వచ్చింది.
ఈ విషయాన్ని ఆయన తన సోషల్ మీడియాలో పోస్ట్ చేసారు. కరోనా నుండి కోలుకోవటంతో ఆయన హ్యాపీగా.. ''థాంక్ గాడ్" అంటూ తన రిపోర్ట్స్‌ను పోస్ట్ చేసారు. ఇక బండ్ల గణేష్ కరోనా నుండి కోలుకోవటంతో ఆయన అభిమానులు "మా బండ్లన్న సేఫ్" అంటూ కామెంట్లు పెడుతున్నారు.
కాగా, ఇటీవల బండ్ల గణేష్‌కు కరోనా పాజిటివ్‌గా తేలడంతో ఒక్కసారిగా తెలుగు సినీ పరిశ్రమ ఉలిక్కిపడిన సంగతి తెలిసిందే. దీంతో ఆయనను కలిసిన వారిలో కూడా ఆందోళన మొదలైంది. అయితే గణేష్ మాత్రం తన ఆరోగ్యం బాగానే ఉన్నట్టు అభిమానులకు చెబుతూ వచ్చారు.