వంటలక్కకు బంటు పిచ్చి

Premi viswanath

అల్లు అర్జున్ అంటే ఎవ‌రికైనా ఇష్ట‌మే. ఇటీవ‌లే త‌న ఇష్టాన్ని శ్రీ‌ముఖి కూడా ఐల‌వ్‌యూ.. అంటూ ఆడియో వేడుకలో అల్లు అర్జున్‌కు వ్య‌క్తం చేసింది. ఇక ఒక‌డుగు ముందుకు వేసి అల్లు అర్జున్ హాష్ టాగ్‌ను హాక్ చేసింది న‌టి ప్రేమి విశ్వ‌నాథ్‌. ఈమె కార్తీక దీపం సీరియ‌ల్‌లో వంట‌ల‌క్క‌గా ప్ర‌సిద్ధి. సీరియ‌ల్‌లో డ‌ల్ ఫేస్‌తో వుంటూ భ‌ర్తకు దూర‌మైనా అత‌న్ని మార్చాల‌ని ప్ర‌య‌త్నించే అమ్మాయిగా న‌టించింది. సీరియ‌ల్‌లో ఆమెకు లేడీస్ అభిమానులే ఎక్క‌వే. అయితే బ‌య‌ట ఆమె రెబ‌ల్‌గా వుంటుంది. త‌న కిష్ట‌మైంది చేసేస్తుంది. అలాంటిదే త‌న సోష‌ల్‌మీడియాలో అల్లు అర్జున్‌ను ఇమిటేట్ చేస్తూ ట్వీట్ చేసింది.

premi_vishwanath

అల వైకుంఠ‌పురంలో సినిమాలోని `చిత్త‌రాల సిర‌ప‌డు` అనే పాట‌ను ద‌ర్శ‌కుడు త్రివిక్ర‌మ్ ఆస‌క్తిగా తెర‌కెక్కించాడు. మాస్ బీట్‌తో ఫైట్‌తో అల్లు అర్జున్ అల‌రించాడు. ఆ రేంజ్‌లో వంట‌ల‌క్క కూడా ఫాలో అయింది. లుంగీక‌ట్టు, పూల చొక్కా, చేతిలో సిగ‌రెట్‌, నోటిలోంచి గుప్ మ‌నే పొగ వ‌దులుతూ, గాలిలో ఎగిరే కోడిపుంజును పెట్టుకుని త‌న అచార‌క‌మైన ఫొటోను సోష‌ల్‌మీడియాలో అభిమానుల‌తో పంచుకుంది. ఇది త‌న సోద‌రుడు తీశాడ‌ని కోడిపుంజు అలా ఎగిరేలా రావ‌డానికి కొంచెం క‌ష్ట‌ప‌డ్డామ‌ని తెలిపింది. పైగా త‌న ఫాలోవ‌ర్స్‌కు నో స్మోకింగ్ అంటూ కింద కామెంట్ పెట్టింది. ఇలా చేయ‌డానికి కార‌ణం అల్లు అర్జున్ అంటే త‌న‌కి పిచ్చి అభిమానం అంటూ తెలియ‌జేస్తుంది.