ప్రభాస్ - నాగ్ అశ్విన్ మూవీలో అమితాబ్, బిగ్ ఎనౌన్స్‌మెంట్

యంగ్ రెబల్ స్టార్ ప్రభాస్ - క్రేజీ హీరోయిన్ పూజా హేగ్డే కాంబినేషన్లో రూపొందుతోన్న భారీ చిత్రం రాథేశ్యామ్. ఈ చిత్రాన్ని ప్రముఖ నిర్మాణ సంస్థ యు.వి. క్రియేషన్స్ నిర్మిస్తుంది. ఇటీవల ఈ మూవీ టీమ్ ఇటలీ వెళ్లింది. వచ్చే సంవత్సరం ప్రథమార్ధంలో ఈ సినిమాని రిలీజ్ చేయడానికి ప్లాన్ చేస్తున్నారు.

ఇదిలావుంటే.. ప్రభాస్, మహానటి డైరెక్టర్ నాగ్ అశ్విన్‌తో సినిమా చేస్తున్న విషయం తెలిసిందే. ఈ చిత్రాన్ని ప్రముఖ నిర్మాణ సంస్థ వైజయంతీ మూవీస్ నిర్మిస్తుంది. ఇందులో ప్రభాస్ సరసన బాలీవుడ్ బ్యూటీ దీపికా పడుకునే నటించనున్నట్టు గతంలో ప్రకటించారు. ఇక ఇప్పుడు ఈ సినిమా గురించి మరో బిగ్ ఎనౌన్స్‌మెంట్ వచ్చింది.

అది ఏంటంటే.... ఈ చిత్రంలో బిగ్ బి అమితాబ్ నటించనున్నారు. ఈ విషయాన్ని వైజయంతీ మూవీస్ సంస్థ ట్విట్టర్ ద్వారా అఫిషియల్‌గా ఎనౌన్స్ చేసారు. ఇది నిజంగానే బిగ్ ఎనౌన్స్‌మెంట్. బిగ్ బి అమితాబ్ - బాహుబలి ప్రభాస్ కలిసి ఒక సినిమాలో నటిస్తున్నారంటే.. ఈ సినిమాపై అంచనాలు ఏ రేంజ్‌లో ఉంటాయో అర్ధం చేసుకోవచ్చు.

ఈ సందర్భంగా నాగ్ అశ్విన్ మాట్లాడుతూ... ప్రభాస్, అమితాబ్, దీపికా పడుకునే ఇలా భారీ తారాగణంతో అత్యంత ప్రతిష్టాత్మకంగా సినిమాని రూపొందించడానికి ప్లాన్ చేస్తున్నాం.

 కనీవినీ ఎరుగని విధంగా ఈ సినిమా ఉంటుంది. ప్రేక్షకులకు థ్రిల్ కలిగించేలా ఈ సినిమా ఉంటుంది. 2022లో ఈ సినిమాని ప్రపంచ వ్యాప్తంగా రిలీజ్ చేయనున్నాం అని తెలియచేసారు.