టాలీవుడ్ ప్రేమపక్షులు హీరో నాగ చైతన్య, హీరోయిన్‌ సమంత వివాహం అట్టహాసంగా జరిగింది. హిందూ సాంప్రదాయ పద్థతిలో పెళ్లి చేసుకున్నారు. గోవాలో శుక్రవారం రాత్రి పెళ్లి వేడుక ఘనంగా జరిగింది. బంధువులు, సన్నిహితు
టాలీవుడ్ ప్రేమపక్షులు హీరో నాగ చైతన్య, హీరోయిన్‌ సమంత వివాహం అట్టహాసంగా జరిగింది. హిందూ సాంప్రదాయ పద్థతిలో పెళ్లి చేసుకున్నారు. గోవాలో శుక్రవారం రాత్రి పెళ్లి వేడుక ఘనంగా జరిగింది. బంధువులు, సన్నిహితులు, స్నేహితుల మధ్య ఈ వివాహం జరిగింది. వివాహ ఫోటోలను అక్కినేని నాగార్జున ట్విట్టర్లో పోస్టు చేశాడు. చైసామ్‌ హ్యాపినెస్‌ ఇప్పుడు అఫిషియల్‌ అంటూ నాగ్ ట్వీట్‌ చేశాడు. పెళ్లి దుస్తుల్లో నాగ్, సామ్ అదిరిపోయారు.
ఏమాయ చేసావె సినిమా సందర్భంగా వీరిద్దరి మధ్య చిగురించిన ప్రేమ పెళ్లి పీటల వరకు వచ్చింది. వీరి ఎనిమిదేళ్ల ప్రేమబంధం శుక్రవారం పెళ్లితో మరింత బలపడింది. రెండు మతాలకు చెందిన వీరి వివాహం హిందూ, క్రిష్టియన్ మత సంప్రదాయాల్లో జరిపించాలని నిర్ణయించారు.
ఇందులో భాగంగా గోవాలోని బీచ్ ఒడ్డున వున్న ఓ హోటల్లో హిందూ సంప్రదాయం ప్రకారం శుక్రవారం రాత్రి 11గంటల 52 నిమిషాలకు వివాహం జరిగింది. ఇకపోతే.. శనివారం క్రైస్తవ మతాచార పద్దతిలో సాయంత్రం 5గంటల 30 నిమిషాలకు వీరి వివాహం జరగనుంది.