పవర్ స్టార్ పవన్ కళ్యాణ్ ఓ డైనమెట్ అని సినీ కథా రచయిత విజయేంద్ర ప్రసాద్ ప్రశంసలు కురిపించారు. తాజాగా ఓ ఆయన ఓ టీవీ షోలో పాల్గొని మాట్లాడుతూ, పవన్ కోసం ప్రత్యేకంగా కథ రాయాల్సిన అవసరం లేదని... ఆయన నటించిన సినిమాల్లో నుంచే అక్కడక్కడ కొన్ని సీన్స్ తీసుకుంటే కథ సిద్ధమైపోతుందన్నారు.
పవన్ చూడ్డానికే ప్రజలు సినిమాలకు వస్తారని... ఆయనను చూపించడంతో పాటు అమ్మాయిలతో సాంగులు, విలన్లను చితగ్గొట్టడం, ప్రజలకు మంచి చేయడం వంటివి కొన్ని సినిమాలో ఉంటే సరిపోతుందన్నారు. డైనమైట్ పేలడానికి చిన్న అగ్గిపుల్ల ఉంటే సరిపోతుందని... పవన్ పెద్ద డైనమైట్ అని చెప్పారు.
ఆయన సినిమాకు కథ గురించి పెద్దగా కష్టపడాల్సిన అవసరం లేదన్నారు. పవన్ సినిమా కోసం కథ గురించి పెద్దగా ఆలోచించాల్సిన అవసరం లేదన్నారు. అలాగే, మహేశ్ బాబు గురించి మాట్లాడుతూ... మహేశ్ కు కథ రాయాలంటే పూరి జగన్నాథ్‌ను అడగాల్సిందేనని విజయేంద్ర ప్రసాద్ అన్నారు.