పవ‌న్ క‌ళ్యాణ్ ప్ర‌ధాన పాత్ర‌లో ద‌ర్శ‌కుడు క్రిష్ తెర‌కెక్కిస్తున్న చారిత్రాత్మ చిత్రం `హ‌రిహ‌ర వీర‌మ‌ల్లు. ఎ.ఎం.ర‌త్నం నిర్మాత. ఇప్పటికే సినిమాకు సంబంధించిన ఫ‌స్ట్ లుక్ విడుద‌ల కాగా, ఇది సినిమాపై భారీ అంచ‌నాలు పెంచింది. ఈలోగా కోవిడ్ లాక్‌డౌన్ రావ‌డంతో షూటింగ్ వాయిదా ప‌డింది. తాజాగా ఈ సినిమా గురించి ఎ.ఎం.ర‌త్నం ఇంట‌ర్వ్యూలో వివ‌ర‌ణ ఇచ్చారు. నిధి అగ‌ర్వాల్ క‌థానాయిక‌గా న‌టిస్తుంది. పీరియాడిక్ యాక్ష‌న్ డ్రామాగా రూపొందుతున్న ఈ సినిమాలో బాలీవుడ్ నటులు అర్జున్ రాంపాల్, జాక్వెలిన్ ఫెర్నాండేజ్ ముఖ్య పాత్ర‌లు పోషించ‌నున్నారని క్లారిటీ ఇచ్చారు. ఇప్పటికే బాలీవుడ్ న‌టీన‌టులు ఎవ‌రా? అంటూ వ‌స్తున్న చ‌ర్చ‌కు దీనితో ఫుల్‌స్టాప్ ప‌డింది.
ఇక ఇందులో ఔరంగ‌జేబ్ పాత్ర‌లో అర్జున్ రాంపాల్ క‌నిపించ‌నుండ‌గా 17వ శ‌తాబ్ధ‌పు మొఘ‌ల్ రాణిగా జాక్వెలిన్ క‌నిపించ‌నుంది. చిత్ర షూటింగ్ 50 శాతం పూర్తి కాగా, ఇప్ప‌టి వ‌ర‌కు వారు పాల్గొన‌లేదు. తర్వాతి షెడ్యూల్ హైద‌రాబాద్‌లో జ‌ర‌గ‌నుండ‌గా, ఆ షెడ్యూల్‌లో అర్జున్, జాక్వెలిన్ పాల్గొంటార‌ని ఏఎం ర‌త్నం తెలిపారు. తదుపరి షెడ్యూల్ ను మొదలుపెట్టడానికి సన్నాహాలు చేసుకుంటున్నాం. ప్రస్తుతం నెలకొన్న పరిస్థితుల రీత్యా అంతా సెటిల్ అయ్యాక షూట్ ను స్టార్ట్ చేయనున్నారని ఆయన తెలిపారు. ఇక ఈ సినిమాకు ఎం ఎం కీరవాణి సంగీతం అందిస్తున్నారు.
