పవన్ కళ్యాణ్ హరిహర వీరమల్లు డేట్ ఫిక్స్ చేశారు

Pawan Kalyan, Harihara Veeramallu

పవర్ స్టార్ పవన్ కళ్యాణ్ నటిస్తున్న కొత్త చిత్రాల్లో "హరిహర వీరమల్లు" ఒకటి. ఈ చిత్రానికి సంబంధించిన తాజా అప్‌డేట్ ఒకటి వచ్చేసింది. రెండు భాగాలుగా వున్న ఈ సినిమాను మార్చి 28, 2025న థియేటర్లలోకి దూసుకెళ్ళనున్నామని చిత్ర యూనిట్ నేడు ప్రకటన చేసింది. దానికి సంబంధించిన గ్లింప్స్ ను కూడా విడుదల చేసింది. పవన్ కళ్యాణ్ శూలంతో నడుచుకుంటూ వచ్చి కుడిచేతితో తిప్పుతున్న గ్లింప్స్ ఆకట్టుకుంది.

 ఈ చిత్రం షూటింగ్ ఇంకా పూర్తి కాలేదు. కనుక కొంత భాగాన్ని తీయాలని ప్రయత్నించారు నిర్మాత దర్శకుడు. కానీ రాజకీయాల వల్ల బిజీగా వుండడంతో అరకొర షూటింగ్ తో ముందుకు సాగుతున్నట్లుగా తెలుస్తోంది. దానితో షూటింగ్ పనులు సాగుతున్నాయోలేదో అనే అనుమానాలు వినిపిస్తున్నాయి. ఈ నేపథ్యంలో తాజాగా ఈ చిత్రానికి సంబంధించిన పోస్టర్‌ను రిలీజ్ చేశారు. 

 "మీ ముందుకు ధర్మం కోసం యుద్ధం త్వరలో..." అంటూ గతంలోనే పవన్ కళ్యాణ్‌ ఫోటోతో  పోస్టర్‌ను రూపొందించారు. ఈ సినిమాకు క్రిష్ దర్శకత్వం వహిస్తున్నారు. హీరోయిన్‌గా నిధి అగర్వాల్.  బాలీవుడ్ నటుడు అర్జున్ రాంపాల్, నర్గీస్ ఫక్రీ, బాబీ డియోల్ వంటి దిగ్గజ నటులు ఇందులో కీలక పాత్ర పోషిస్తున్నారు. ఎంఎం కీరవాణి ఈ చిత్రానికి సంగీతం. మెగా సూర్యా ప్రొడక్షన్ పతాకంపై ప్రముఖ నిర్మాత ఏఎం రత్నం భారీ బడ్జెట్‌తో నిర్మిస్తున్నారు.