సూపర్ స్టార్ మ‌హేష్ బాబుపై యంగ్ టైగ‌ర్ ఎన్టీఆర్ ఫ్యాన్స్ ఫైర్ అవుతున్నారు. వీరిద్ద‌రు మంచి ఫ్రెండ్స్. మ‌హేష్ బాబు న‌టించిన భ‌ర‌త్ అనే నేను ప్రీ రిలీజ్ ఈవెంట్‌కి యంగ్ టైగ‌ర్ ఎన్టీర్ ముఖ్య అతిథిగా హాజ‌ర‌వ్వ‌డం. ఈ వేడుక జ‌రిగిన‌ప్ప‌టి నుంచి మ‌హేష్ బాబు - ఎన్టీఆర్ ఫ్యాన్స్ మ‌ధ్య మంచి అనుబంధం ఏర్ప‌డింది అని వార్తలు వ‌చ్చాయి కానీ.. ఇప్పుడు జ‌రుగుతోన్న సంఘ‌ట‌న‌లు చూస్తుంటే.. ఇది నిజం కాద‌ని తెలుస్తుంది.
ఇంత‌కీ విష‌యం ఏంటంటే... మ‌హేష్ బాబు అమెరికాలో మ‌హ‌ర్షి షూటింగ్ పూర్తి చేసుకుని దీపావ‌ళి ముందు రోజు హైద‌రాబాద్ వ‌చ్చాడు. వ‌చ్చిన త‌ర్వాత విజ‌య్ న‌టించిన స‌ర్కార్ సినిమా చూసాడు. ఈ సినిమాకి టాక్ అంత‌గా లేదు కానీ... మ‌హేష్ బాబు మాత్రం స‌ర్కార్ సూపర్ అంటూ టీమ్ పైన ప్ర‌శంస‌ల వర్షం కురిపించాడు.
ఇదే ఎన్టీఆర్ ఫ్యాన్స్‌కి మండింది. ఎందుకంటే.. ఎన్టీఆర్ అర‌వింద స‌మేత చిత్రం గురించి ఒక్క ట్వీట్ కూడా వేయ‌ని మ‌హేష్ త‌మిళ చిత్రం గురించి మాత్రం ట్వీట్ వేయ‌డంతో ఎన్టీఆర్ ఫ్యాన్స్ సోష‌ల్ మీడియాలో మ‌హేష్ పైన ఫైర్ అవుతున్నారు. మ‌రి.. దీనిపై మ‌హేష్ స్పందిస్తాడేమో చూడాలి.