జనం కోసం జోలె పట్టిన రారాజు కథ : ఎన్టీఆర్ బయోపిక్ రేపే విడుదల

స్వర్గీయ ఎన్.టి. రామారావు జీవిత చరిత్ర ఆధారంగా తెరకెక్కిన చిత్రం ఎన్టీఆర్ కథానాయకుడు. ఈ చిత్రం సంక్రాంతి సందర్భంగా బుధవారం ప్రేక్షకుల ముందుకురానుంది. రెండు భాగాలుగా తెరకెక్కిన ఈ చిత్రం తొలి భాగం జనవరి 9వ తేదీన ప్రపంచ వ్యాప్తంగా విడుదలకానుంది. ఈ విషయాన్ని తెలియజేస్తూ చిత్ర యూనిట్ ఓ పోస్టర్‌ను విడుదల చేసింది. జనం కోసం జోలె పట్టిన రారాజు కథ జనవరి 9వ తేదీన రిలీజ్ అంటూ అందులో పేర్కొంది. 

ఇందులో ఎన్టీఆర్ పాత్రలో ఆయన తనయుడు హీరో నందమూరి బాలకృష్ణ నటించారు. ఆయన భార్య బసవతారకంగా విద్యాబాలన్ నటించగా, జాగర్లమూడి క్రిష్ దర్శకత్వం వహించారు. అలాగే, ఏఎన్నార్ పాత్రలో సుమంత్, చంద్రబాబు నాయుడు పాత్రలో రానా దగ్గుబాటి, ఇలా అనేక సీనియర్ నటుల పాత్రల్లో యువ నటీనటులు నటించారు. ఎంఎం కీరవాణి సంగీత బాణీలు సమకూర్చారు.

ఈ నేపథ్యంలో చిత్రానికి సంబంధించిన పోస్ట‌ర్స్‌, సాంగ్స్ ప్రేక్ష‌కుల‌ని ఎంత‌గానో ఆక‌ట్టుకుంటున్నాయి. 'య‌మ‌గోల' చిత్రంలో ట చిల‌క కొట్టుడు కొడితే చిన్న‌దానా..' సాంగ్ ఎంత పాపులర్ అయిందో ప్రత్యేకంగా చెప్పనక్కర్లేదు. ఈ సాంగ్‌ని ఇప్పుడు ఎన్టీఆర్ సినిమాలో వాడుతున్నారు. ఎన్టీఆర్‌గా బాల‌కృష్ణ‌, జ‌య‌ప్ర‌ద‌గా హ‌న్సిక ఆ సాంగ్‌కి స్టెప్పులేయ‌నున్నారు. తాజాగా పోస్ట‌ర్ విడుద‌ల చేశారు. ఈ పోస్ట‌ర్ అభిమానులని ఆక‌ట్టుకుంటుంది.