డేటింగ్ వరకు వెళ్లలేదు.. డిన్నర్ వద్దే ఉన్నాం.. నిధి అగర్వాల్

యువ క్రికెటర్, ఐపీఎల్ స్టార్ కేఎల్ రాహుల్‌తో చెట్టాపట్టాలేసుకుని తిరగడంపై బాలీవుడ్ నటి నిధి అగర్వాల్ స్పందించింది. వీరిద్దరూ ముంబై బాంద్రాలో చక్కర్లు కొడుతుండగా, కెమెరా కంటికి చిక్కారు. ఫలితంగా వారిద్

యువ క్రికెటర్, ఐపీఎల్ స్టార్ కేఎల్ రాహుల్‌తో చెట్టాపట్టాలేసుకుని తిరగడంపై బాలీవుడ్ నటి నిధి అగర్వాల్ స్పందించింది. వీరిద్దరూ ముంబై బాంద్రాలో చక్కర్లు కొడుతుండగా, కెమెరా కంటికి చిక్కారు. ఫలితంగా వారిద్దరి గురించి సోషల్ మీడియాలో వివిధ రకాలుగా చర్చించుకుంటున్నారు.

దీంతో నిధి అగర్వాల్ స్పందించింది. క్రికెట్ స్టార్ కేఎల్ రాహుల్‌తో తాను డేటింగ్‌లో ఉన్నానంటూ వచ్చిన వార్తల్లో నిజం లేదని పేర్కొంది. అయితే, తనకు కేఎల్ రాహుల్ చాలా కాలం నుంచి తెలుసునని, అతనితో కలసి డిన్నర్‌కు మాత్రమే వెళ్లానని, తామిద్దరం డేటింగ్‌లో ఉన్నామని వచ్చిన వార్తల్లో రవ్వంత కూడా నిజం లేదని స్పష్టం చేసింది. 

నిజానికి తాను నటి కాకముందు.. రాహుల్ క్రికెటర్ కాకముందు నుంచి తమ ఇద్దరికీ పరిచయం ఉందన్నారు. తామిద్దరమూ బెంగళూరులో కలసి చదువుకున్నామని వెల్లడించింది. తమ మధ్య స్నేహం తప్ప మరేదీ లేదని నిధి అగర్వాల్ వెల్లడించగా, ఈ విషయంలో రాహుల్ ఇంకా స్పందించలేదు.