తెలుగు చిత్రపరిశ్రమలో కొత్త మార్గదర్శకాలు వచ్చాయి. ఇవి ఈ నెల 10వ తేదీ నుంచి అమల్లోకిరానున్నాయి. ఈ మేరకు తెలుగు చిత్రాల నిర్మాతల మండలి (టాలీవుడ్ ప్రొడ్యూసర్స్ గిల్డ్) సమ్మతం రూపొందించింది. గత నెల 25వ తేదీ నంచి టాలీవుడ్‌లో చిత్రీకరణలు మొదలైన విషయం తెల్సిందే. ఈ నెల ఒకటో తేదీ నుంచి పూర్తిస్థాయిలో షూటింగులు జరుగుతున్నాయి. దీంతో చిత్రపరిశ్రమలో సందడి వాతావరణం నెలకొంది. ఈ నేపథ్యంలో చిత్ర నిర్మాణఆలకు సంబంధించి తెలుగు ఫిల్మ్ ఛాంబర్ కొత్త మార్గదర్శకాలను విడుదలచేసింది. ఆ వివారలను పరిశీలిస్తే,
సినిమా నిర్మాణం..
* ఆర్టిస్టులు, టెక్నీషియన్లకు రోజువారీ చెల్లింపులు ఉండవు.
* ఓ చిత్రం, అందులోని పాత్రల స్థాయిని ఆధారంగా నటీనటుల పారితోషికాలను నిర్మాతలు నిర్ణయిస్తారు. ఆ పారితోషికంలోనే నటీనటుల పర్సనల్ స్టాఫ్, స్థానిక రవాణా, స్థానిక బస, స్పెషల్ ఫుడ్ వంటి ఇతర ఖర్చుల ఇమిడివుంటాయి.
* ఓ ఆర్టిస్టుతో కుదుర్చుకున్న పారితోషికం ఒప్పందానికి మించి ఒక్క రూపాయి కూడా అదనంగా చెల్లించాల్సిన అవసరం లేదు.
* ఓ సినిమాకు పనిచేసే ప్రధాన టెక్నీషియన్ల పారితోషికాల్లో వారి పర్సనల్ స్టాఫ్ ఖర్చులు, స్థానిక బస, స్థానిక రవాణా, స్పెషల్ ఫుడ్ వంటి ఖర్చులు కూడా ఇమిడివుంటాయి. ముందు ఒప్పందం కుదుర్చుకున్న మేరకు తప్ప నిర్మాత అదనంగా చెల్లించాల్సిన అవసరం లేదు.
* ప్రతి ఒప్పందంలోనూ పారితోషికం వివరాలను ఖచ్చితంగా ఉండాలి. ఆ వివరాలను చాంబర్ ముందు ఉంచాలి.
ఓటీటీ..
* ఓ సినిమా టైటిల్‌లో, థియేట్రికల్ రిలీజ్ ప్రచారంతో ఓటీటీ, శాటిలైట్ భాగస్వాముల పేర్లు ఉండవు.
* ఒక సినిమా విడుదలైన 8 వారాల తర్వాతే ఓటీటీకీ ఇవ్వాల్సి ఉంటుంది.
థియేటర్లు/ఎగ్జిబిటర్ల అంశాలు..
* వీపీఎఫ్‌కు సంబంధించి చర్చలు జరుగుతున్నాయ. సెప్టెంబరు 3న జరగాల్సిన తదుపరి సమావేశం 6వ తేదీకి వాయిదా పడింది.
* తెలంగాణాలో ఇచ్చినంత పర్సంటేజీనో ఆంధ్రాలోనూ మల్టీప్లెక్స్‌లకు కూడా ఇవ్వడం జరుగుతుంది.
ఫెడరేషన్...
* చర్చలు తుది అంకంలోకి ప్రవేశించాయి. ఆమోదించబడిన, ఖరారు చేయబడిన రేట్ కార్డులు అన్ని చిత్ర నిర్మాణ సంస్థల కార్యాలయాలకు అందజేస్తారు.