టాలీవుడ్ సీనియర్ నటుడు నరేష్, నటి పవిత్రా లోకేష్ ఇటీవల హైదరాబాద్ విమానాశ్రయంలో భావోద్వేగభరితమైన అనుభవాన్ని చవిచూశారు. వారికి అంతకు ముందు తెలియని ఒక మహిళ ఆ జంట వద్దకు వచ్చి, వారి బంధాన్ని ప్రశంసించి, వారికి స్వీట్లు అందించి, వెళ్లిపోయింది. ఈ పరిచయం వారిని ఎంతగానో కదిలించింది. నరేష్ ఈ సంఘటనను సోషల్ మీడియాలో పంచుకుంటూ, "ఆమె ఎవరో మాకు తెలియదు, కానీ ఆమె మాటలు నా హృదయాన్ని వెలిగించాయి" అని అన్నారు.
నరేష్ తెలిపిన వివరాల ప్రకారం, తాను, పవిత్రా లోకేష్ హైదరాబాద్ విమానాశ్రయంలో ఉన్నప్పుడు, ఒక మహిళ వారి వద్దకు వచ్చి మాట్లాడటం ప్రారంభించింది. నరేష్-పవిత్ర సంబంధాన్ని కొనియాడింది. నరేష్ ఆ స్త్రీని ఇంతకు ముందు ఎప్పుడూ చూడలేదని, ఆమె ఎవరో తనకు తెలియదని పేర్కొన్నారు. ఇదో అద్భుతమైన అనుభూతి అంటూ నరేష్ పేర్కొన్నారు.
ఇదిలా ఉంటే.. తాజా ఇంటర్వ్యూలో పవిత్ర తన మొదటి క్రష్ గురించి చెప్పింది. అక్కినేని నాగార్జున అంటే తనకు ఆరో తరగతి నుంచే ఇష్టమని తెలిపింది. తన జీవితంలో అలాంటి వ్యక్తి వుంటే బాగుంటుందని అనిపించేదని వెల్లడించింది. నాగార్జున తర్వాత ప్రకాష్ రాజ్‌ని చూశాక కూడా అలానే అనిపించిందని పవిత్ర వెల్లడించింది. ప్రస్తుతం పవిత్ర కామెంట్స్ నెట్టింట వైరల్ అవుతున్నాయి.