నారా లోకేష్‌ ఆ టైపే అనుకుంటా - తమ్మారెడ్డి మండిపాటు

నంది అవార్డుల వ్యవహారం కాస్త మెల్లమెల్లగా సద్దుమణుగుతున్న సమయంలో మంత్రి నారా లోకేష్‌ చేసిన వ్యాఖ్యలు మరింత దుమారాన్ని రేపుతున్నాయి. మెగా ఫ్యామిలీకి అన్యాయం జరిగిందని మొదట్లో నిర్మాత బన్నీ వాసు నంది అవార్డుల వ్యవహారాన్ని తెరపైకి తీసుకురాగా ఆ తరువాత గు

నంది అవార్డుల వ్యవహారం కాస్త మెల్లమెల్లగా సద్దుమణుగుతున్న సమయంలో మంత్రి నారా లోకేష్‌ చేసిన వ్యాఖ్యలు మరింత దుమారాన్ని రేపుతున్నాయి. మెగా ఫ్యామిలీకి అన్యాయం జరిగిందని మొదట్లో నిర్మాత బన్నీ వాసు నంది అవార్డుల వ్యవహారాన్ని తెరపైకి తీసుకురాగా ఆ తరువాత గుణశేఖర్, రాంగోపాల్ వర్మతో పాటు మరికొంతమంది దర్శకులు తీవ్రస్థాయిలో స్పందించారు. అవార్డుల్లో తమకు తీవ్ర అన్యాయం జరిగిందని ఆరోపించారు. దీనిపై చంద్రబాబు నాయుడు సర్దిచెప్పుకునే ప్రయత్నం చేసి చివరకు అది కాస్త సద్దుమణుగుతున్న సమయంలో లోకేష్‌ దిమ్మతిరిగే వ్యాఖ్యలు చేశారు.

నంది అవార్డుల వ్యవహారంపై ఆంధ్రలో ఆధార్ కార్డులు లేనివారు అడుగుతున్నారంటూ లోకేష్‌ చేసిన వ్యాఖ్యలు తీవ్ర దుమారాన్ని రేపుతున్నాయి. స్థానికత, సామాజిక వర్గం లాంటి వాటిని ప్రోత్సహించే మాటలే అందులో స్పష్టంగా కనిపించాయి. దీనిపై ప్రముఖ నిర్మాత తమ్మారెడ్డి భరద్వాజ తీవ్రస్థాయిలో స్పందించారు. మంత్రి నారా లోకేష్‌పై ధ్వజమెత్తారు. 

మంత్రి పదవిలో ఉన్న లోకేష్‌ బాధ్యతాయుతంగా మాట్లాడాలే తప్ప తెలిసీ తెలియని స్టేట్మెంట్ ఇవ్వడం బాధాకరన్నారు. మీ పరువు కాదు పోయేది మీ నాన్నగారి పరువు పోతుందని ఆలోచించడంటూ సలహా ఇచ్చారు.  మీరు మాట్లాడే మాటలు చూస్తుంటే రాష్ట్రం పరువు పోతుందన్న భావన కలుగుతోందన్నారు తమ్మారెడ్డి. తనకు ముఖ్యమంత్రి చంద్రబాబు నాయుడు అంటే ఎంతో గౌరవమనీ, ఐతే నారా లోకేష్ చేసిన వ్యాఖ్యలు ఆయన గౌరవానికి భంగం కలిగించేవిగా వున్నాయని ఆయన ఆవేదన వ్యక్తం చేశారు.