ఓరి దేవుడో... ఈ 'మన్మథుడి' ఫాలోయింగ్ మాములుగా లేదుగా...
తెలుగు చిత్ర పరిశ్రమలో మన్మథుడిగా పేరుగాంచిన హీరో అక్కినేని నాగార్జున. ఈ సీనియర్ నటుడి ఫాలోయింగ్ నాటి నుంచి నేటి వరకు ఓ రేంజ్‌లోనే ఉంది. ముఖ్యంగా.. ఐదు పదులు దాటిన వయసులో కూడా ఏమాత్రం తగ్గడం లేదు.
తెలుగు చిత్ర పరిశ్రమలో మన్మథుడిగా పేరుగాంచిన హీరో అక్కినేని నాగార్జున. ఈ సీనియర్ నటుడి ఫాలోయింగ్ నాటి నుంచి నేటి వరకు ఓ రేంజ్‌లోనే ఉంది. ముఖ్యంగా.. ఐదు పదులు దాటిన వయసులో కూడా ఏమాత్రం తగ్గడం లేదు. పైగా, కుర్రహీరోలకు గట్టి పోటీనివ్వడం గమనార్హం. గత యేడాది నాగార్జున నటించిన అన్ని చిత్రాలు సూపర్ డూపర్ హిట్ అయ్యాయి. ముఖ్యంగా.. యంగ్ హీరోలకి సైతం అందరి ద్రాక్షగా మారిన రూ.50 కోట్ల మార్క్ ని చాలా సులభంగా క్రాస్ చేసేశాడీ టాలీవుడ్ కింగ్.
అంతేనా... సోషల్ మీడియాలోనూ నాగ్ ఫాలోయింగ్ మాములుగా లేదు. తాజగా, నాగ్ ట్విట్టర్ ఫాలోవర్స్ సంఖ్య 2 మిలియన్ (20 లక్షలకు) చేరింది. టాలీవుడ్‌లో కొద్దిమంది స్టార్స్‌కి మాత్రమే ఈ రేంజ్‌లో ఫాలోయింగ్ ఉంది. ఈ మధ్య హాట్రిక్ హిట్స్ కొట్టిన సీనియర్ హోరో ఒక్క నాగ్ మాత్రమే. మనం, సోగ్గాడే చిన్ని నాయనా, ఊపిరి వంటి వరుస బ్లాక్‌ బస్టర్స్‌ హిట్స్ తన ఖాతాలో వేసుకొన్నాడు. ఇక, ఈ సంవత్సరం శ్రీవారి భక్తుడిగా ప్రేక్షకుల ముందుకు రానున్నాడు.