అందమైన భామలు.. లేత మెరుపు తీగలైన సమంత, రకుల్ ప్రీత్ సింగ్, రెజీనా, నీరజా కోనలతో నితిన్ బెల్జియం ట్రిప్పేశారు. వరల్డ్స్ బిగ్గెస్ట్ ఎలక్ట్రానిక్ మ్యూజిక్ ఫెస్టివల్.. ''టుమారోల్యాండ్"కి వెళ్లారు. 'గ్యాంగ్ గ్యాంగ్.. బజావో బ్యాంగ్ బ్యాంగ్... స్టార్ట్ ది మ్యూజిక్' అంటూ ఎంజాయ్ చేస్తున్నారు. ఈ సందర్భంగా అక్కడ దిగిన ఓ ఫొటోను కాస్ట్యూమ్‌ డిజైనర్‌ కోన నీరజ ట్విట్టర్లో అభిమానులతో పంచుకున్నారు. యూఎస్‌ గాళ్స్‌ పార్ట్‌ 2 అంటూ ట్యాగ్‌లైన్‌ కూడా పెట్టారు. రెజీనా, రకుల్, సమంత ఫుల్‌ జోష్‌లో కనిపిస్తున్న ఈ చిత్రం నెటిజన్లను విపరీతంగా ఆకట్టుకుంటోంది.
పెళ్లి ఏర్పాట్లపై సమంత అప్పుడప్పుడూ మీడియా వెల్లడించడంతో చిర్రెత్తిన నాగార్జున... కుటుంబ విషయాలను రచ్చకెక్కిచ్చొద్దంటూ ఈ జంటకు వార్నింగ్ ఇచ్చాడని. దీంతో ఏ చేయాలో, ఎక్కడ కలుసుకోవాలో తెలియని చైతూ, సమంత విరహ బాధను అర్థం చేసుకున్న తోటి సినీ స్నేహితులే హీరోయిన్లు రకుల్, రెజీనా, ప్రీతిరెడ్డి, నీరజ కోన తదితరులతో బెల్జియం టూర్ ప్లాన్ చేశారని వార్తలొస్తున్నాయి.
అయితే, ఈ ఫొటోల్లో చైతూ, సమంత ప్రేమ జంట ఒక్కచోట మాత్రం లేరు. జంటగా ఎక్కడ కనిపిస్తే ఎలాంటి వార్తలు ప్రచారంలోకి వస్తాయోననే ఉద్దేశంతో కావాలనే ఈ జంట విడివిడిగా ఫొటోలకు ఫోజు ఇచ్చినట్లు తెలుస్తోంది. అయితే నాగచైతన్య, సమంత బెల్జియంలోనే ఉన్నారని.. ఆ టూర్లో వాళ్లు బాగా ఎంజాయ్ చేస్తున్నారని పబ్‌లు, కాఫీ షాపుల వెంట తిరిగే కొన్ని ఫోటోలు నెట్లో హల్ చల్ చేస్తున్నాయి.