నా పర్సనల్ లైఫ్ కూడా చాలా చోట్ల కనెక్ట్ అయ్యింది : అనంతిక

Anantika Sunilkumar, Hanu Reddy, Ravi

మైత్రి మూవీ మేకర్స్  '8 వసంతాలు' హిట్ ని అందుకొని సక్సెస్ ఫుల్ గా రన్ అవుతోంది. ఫణీంద్ర నర్సెట్టి దర్శకత్వం వహించిన ఈ చిత్రంలో అనంతిక సనీల్‌కుమార్ లీడ్ రోల్ పోషించారు. నవీన్ యెర్నేని , వై. రవిశంకర్ నిర్మించారు. జూన్ 20న వరల్డ్ వైడ్ విడుదలైన ఈ సినిమా అందరినీ ఆకట్టుకొంది. ఈ సందర్భంగా మేకర్స్ సక్సెస్ మీట్ నిర్వహించారు.

హీరోయిన్ అనంతిక సనీల్‌కుమార్ మాట్లాడుతూ, థియేటర్స్ లో సినిమా చూస్తున్నప్పుడు చాలా గ్రేట్ ఫుల్ గా అనిపించింది. ఈ సినిమాలో నా క్యారెక్టర్ కి ఆడియన్స్ నుంచి చాలా అద్భుతమైన రెస్పాన్స్ వస్తుంది. చాలా కాంప్లిమెంట్స్ వస్తున్నాయి. ముఖ్యంగా ఫైట్ సీక్వెన్స్ గురించి అందరూ మాట్లాడుకుంటున్నారు. ఫైట్ సీక్వెన్స్ కోసం చాలా రిహార్సల్ చేశాం. ఈ పాత్ర నా పర్సనల్ లైఫ్ కూడా చాలా చోట్ల కనెక్ట్ అయ్యింది. సినిమాకి అందరూ చాలా అద్భుతంగా కనెక్ట్ అవుతున్నారు. సినిమాని తప్పకుండా థియేటర్స్ లో చూడండి. మీ అందరికీ నచ్చుతుంది' అన్నారు

యాక్టర్ హను రెడ్డి మాట్లాడుతూ, సినిమాకి చాలా అద్భుతమైన రెస్పాన్స్ వచ్చింది.  ఇది ఎప్పటికీ గర్వపడే సినిమా. ఇలాంటి సినిమాతో డెబ్యు చేయడం అదృష్టంగా భావిస్తున్నాను'అన్నారు.

యాక్టర్ రవి మాట్లాడుతూ, ప్రీమియర్స్ నుంచి ఇప్పటిదాకా 6 షోస్ చూశాను. ఆడియన్స్ నుంచి ఎక్స్ట్రార్డినరీ రెస్పాన్స్ వచ్చింది. మా డైరెక్టర్ ఈ సినిమాకి ప్రేక్షకుడిలా వెళ్లి ప్రేమికుల బయటకి వస్తారని చెప్పారు. అది ఈ రోజు జరిగింది. చాలా స్వచ్ఛమైన తెలుగు సినిమా చూసామని అడియన్స్ చెప్తుంటే చాలా హ్యాపీగా అనిపించింది.  ఇలాంటి బ్యూటిఫుల్ సినిమాని అందించినందుకు ఒక ప్రేక్షకుడిగా వారికి కృతజ్ఞతలు తెలుపుతున్నాను. డైరెక్టర్ ఫణి గారికి థాంక్యూ. చాలా అద్భుతమైన సినిమా ఇచ్చారు. ఈ సినిమా జర్నీ ఇప్పుడే మొదలైంది. ఈ సినిమా చాలా ఏళ్లు పాటు గుర్తుండిపోతుంది. ఒక స్త్రీ పాత్రను ఎంత అద్భుతంగా చూపించవచ్చో చెప్పడానికి ఈ సినిమా ఒక రిఫరెన్స్ గా నిలుస్తుంది.'అన్నారు