మోహన్ లాల్ ఒడియన్ సినిమాలో రజనీ, జూ.ఎన్టీఆర్..?

మలయాళ మెగాస్టార్ మోహన్ లాల్ ఒడియన్ సినిమాలో నటిస్తున్నారు. ఈ మూవీ కోసం మోహన్ లాల్ 50 రోజులలో 20 కిలోలు తగ్గారట. అస‌లు ఒడియన్ అంటే ఓ కల్పిత జీవిగా చిత్రీకరించారు. సగం మనిషి, సగం జంతువు రూపంలో ఉండటమే కాకుండా ఈ జీవికి అతీంద్రియ శక్తులు ఉండటంతో పాటు ఈ జీవి రాత్రిపూట అడవులలో సంచరిస్తుందనేది కేరళలలోని మలబార్ ప్రాంత ప్రజల నమ్ముతారు. 

దీని జీవితకాలంలో జరిగిన ఘటన నేపథ్యంలో ఈ సినిమా తెరకెక్కిస్తున్నారు. ఈ సినిమాను నిర్మించడానికి రూ.600 కోట్లు ఖర్చు పెట్టనున్నట్టు సమాచారం. ఈ మూవీకి శ్రీ కుమార్ మీనన్ దర్శకత్వం వహిస్తుండగా ఆశిర్వాద్ సినిమాస్ బేన‌ర్ పై నిర్మితమవుతుంది. తాజాగా చిత్ర ట్రైల‌ర్ సోషల్ మీడియా, యూట్యూబ్‌లో వైరల్ అవుతోంది. 

''అవతార్'' సినిమా తరహాలో త్రీడి ఎఫెక్ట్‌తో పాటు విఎఫ్ఎక్స్ వర్క్ ఉంటుందని సినిమా యూనిట్ చెప్తోంది. ఈ మూవీని తెలుగు, తమిళం, హిందీ భాషలలో విడుదల చేస్తుండటంతో ఆ భాషలకు సంబంధించిన నటులను గెస్ట్ రోల్ తీసుకోనున్నట్టు సమాచారం. ఈ క్రమంలో సూపర్ స్టార్ రజనీ కాంత్, టాలీవుడ్ హీరో జూనియర్ ఎన్టీఆర్ ఈ సినిమాలో గెస్ట్ రోల్‌లో నటిస్తారని ఫిల్మ్ వర్గాల్లో చర్చించుకుంటున్నారు. ఈ చిత్రంలో ప్ర‌కాశ్ రాజ్, మంజు వారియ‌ర్, శ‌ర‌త్ కుమార్‌, సిద్ధిఖీ కీలక పాత్రలు పోషిస్తున్నట్లు సమాచారం.