నాకు కరోనా పాజిటివ్ వచ్చింది... : నాగబాబు

తనకు కరోనా వైరస్ సోకినట్టు మెగా బ్రదర్ నాగబాబు వెల్లడించారు. నిజానికి నాగబాబుకు కరోనా వైరస్ సోకినట్టు గత రెండుమూడు రోజులుగా సోషల్ మీడియాలో వార్తలు చక్కర్లు కొడుతున్నాయి. కానీ, మెగా కాంపౌడ్ ఎక్కడ కూడా పొర బయటకు రానివ్వలేదు. ఈ నేపథ్యంలో నాగబాబే స్వయంగా బుధవారం ఈ విషయాన్ని తన ట్విట్టర్ ఖాతాలో వెల్లడించారు. నాకు కరోనా పాజిటివ్ తేలింది. తొంద‌ర‌గా క‌రోనాను జ‌యించి ప్లాస్మాను దానం చేస్తాన‌ని ఆయన ట్వీట్‌లో పేర్కొన్నారు. 

కాగా, నాగ‌బాబు గ‌త కొన్నిరోజులుగా ఓ ఛాన‌ల్‌లో వ‌చ్చే కామెడీ షో షూటింగ్‌లో పాల్గొంటున్నారు. అక్కడ నుంచే ఆయనకు ఈ వైరస్ సోకివుంటుందని భావిస్తున్నారు. ఏదేమైనా ప్ర‌జ‌లు అప్ర‌మ‌త్తంగా ఉండాల‌ని నాగ‌బాబు సూచించారు. నాగ‌బాబు త్వ‌ర‌గా కోలుకోవాల‌ని అత‌ని అభిమానులు రీట్వీట్లు పెడుతున్నారు.

మరోవైపు, తెలుగు చిత్ర పరిశ్రమకు చెందిన అనేక మంది ప్రముఖులు ఈ వైరస్ బారినపడికోలుకుంటున్నారు. ఇలాంటి వారిలో నిర్మాత బండ్ల గణేష్, దర్శకధీరుడు ఎస్ఎస్ రాజమౌళి, దర్శకుడ తేజ తదితరులు ఉన్నారు. అయితే, లెజెండరీ గాయకుడు ఎస్‌పి బాల‌సుబ్ర‌హ్మ‌ణ్యం కూడా ఈ వైరస్ బారినపడి మృత్యుకోరల నుంచి బయటపడ్డారు.