క‌రోనాబారిన ప‌డిన వారికి మాన‌వ‌తా దృక్ప‌థంతో సాయం చేయ‌డానికి మంచు మనోజ్ ముందుకు వ‌చ్చాడు. మనోజ్ పుట్టిన‌రోజు నేడే. కరోనా కారణంగా దేశంలో ఎంతోమంది ప్రాణాలు కోల్పోయారు. మరోవైపు రోజురోజుకూ కరోనా కేసుల సంఖ్య పెరుగుతోంది. ఈ పరిస్థితుల్లో మంచు మనోజ్ 25,000 కుటుంబాలకు సాయం అందించడానికి ముందడుగు వేశారు. ఈ విష‌యాన్ని ఆయ‌న సోష‌ల్ మీడియాలో వెల్ల‌డించారు. దానికి మంచి స్పంద‌న వ‌స్తోంది.
ఇలాంటి సమయంలోనే మాస్కులు ధరించి, తరచూ శానిటైజ్ చేసుకుంటూ మన ప్రపంచాన్ని మనమే కాపాడుకోవాలి. నా వంతుగా ఈ పుట్టిన రోజున నేను, నా అభిమానులు, మిత్రులు కలిసి ఈ కరోనా వల్ల ప్రభావితమైన 25 వేల కుటుంబాలకు నిత్యావసర సరుకులను అందించి నా వంతు సహాయం చేస్తూ, ఇలాగే కొనసాగించాలి అనుకుంటున్నాను. ఈ కష్టమైన సమయంలో దయచేసి ఇంట్లో ఉండి మనల్ని మన కుటుంబాన్ని కాపాడుకుందాం. స్టే హోమ్, స్టే హ్యాపీ, బీ పాజిటివ్ సదా నా ప్రేమతో మీ మంచు మనోజ్” అంటూ ఓ బహిరంగ లేఖను విడుదల చేశాడు మంచు మనోజ్.ఆయనకు అభిమానుల నుంచి శుభాకాంక్షలు వెల్లువెత్తుతున్నాయి.