భార్య ప్రణతితో విబేధాలా? విడాకులా? వాళ్ల బొంద: మంచు మనోజ్

భార్య ప్రణతికి మధ్య విభేదాలు వచ్చాయని ఆమెతో విడాకులు తీసుకునేందుకు సినీ నటుడు మంచు మనోజ్ సిద్ధంగా వున్నాడని సోషల్ మీడియాలో జోరుగా ప్రచారం సాగింది. ఈ ప్రచారంపై మంచు మనోజ్ స్పందించాడు. తన భార్య తనకు సర్

భార్య ప్రణతికి మధ్య విభేదాలు వచ్చాయని ఆమెతో విడాకులు తీసుకునేందుకు సినీ నటుడు మంచు మనోజ్ సిద్ధంగా వున్నాడని సోషల్ మీడియాలో జోరుగా ప్రచారం సాగింది. ఈ ప్రచారంపై మంచు మనోజ్ స్పందించాడు. తన భార్య తనకు సర్వస్వమని.. ఆమెను దూరం చేసుకోవట్లేదని స్పష్టం చేశాడు.

ఇంకా విడాకులు తీసుకుంటున్నట్లు వస్తున్న వార్తల్లో ఎలాంటి నిజం లేదన్నాడు. ఈ మేరకు ట్విట్టర్‌లో తన అభిమానులతో చాట్‌ చేశాడు. వారు అడిగిన ప్రశ్నలకు ఓపిగ్గా సమాధానం చెప్పాడు. విడాకులు తీసుకునే ప్రసక్తే లేదని, ప్రణతి తన దేవతని చెప్పాడు. ''వాళ్ల బొంద. రూమర్స్ పుట్టించేవాళ్లకు ఏం తెలుసు మా గురించి'' అంటూ సమాధానమిచ్చాడు. 

కాగా, ఓ అభిమాని ట్వీట్‌ చేస్తూ... తనకు ఒక రిప్లై ఇవ్వాలని, రిప్లై కోసం చూసీ చూసీ కోపంతో ఫోన్‌ పగలగొట్టేలా ఉన్నానన్నాడు. దానికి మనోజ్‌ సమాధానం ఇస్తూ నో కోపం.. లవ్యూ అంటూ తెలిపాడు. కులం పేరుతో కొందరు రాజకీయ నేతలు మన దేశాన్ని విభజించాలని చూస్తున్నారని చెప్పాడు. మన కర్మ... బ్రిటిషర్లు మనకు డివైడ్‌ అండ్‌ రూల్‌ పాలసీని బాగా నేర్పించి వెళ్లారని కామెంట్  చేశాడు. 

ఇక మనోజ్ సినిమాల విషయానికి వస్తే.. గుంటూరోడు, ఒక్కడు మిగిలాడు చిత్రాల తరువాత ఇప్పుడు ఓ ప్రేమ కథా చిత్రం చేయబోతున్నారట. త్వరలో ఆ చిత్రానికి సంబంధించిన విషయాలను పంచుకుంటానన్నారు.