తన సోదరుడు మంచు మనోజ్‌ను చూడగానే నటి మంచు లక్ష్మి బోరునఏడ్చేశారు. మనోజ్‌ను హత్తుకుని తీవ్ర భావోద్వేగానికి లోనయ్యాడు. ఆ సమయంలో అక్కడే ఉన్న మంచు మనోజ్ భార్య మౌనికా రెడ్డి... మంచు లక్ష్మిని ఓదార్చే ప్రయత్నం చేశారు. ప్రభుత్వ పాఠశాలల్లోని విద్యార్థులకు మెరుగైన విద్యా బోధనలు అందించాలనే లక్ష్యంతో మంచు లక్ష్మి 'టీచ్ ఫర్ ఛేంజ్' అనే కార్యక్రమాన్ని నిర్వహిస్తుంది. ఈ కార్యక్రమంలో భాగంగా, హైదరాబాద్ వేదికగా ప్రతి యేడాది సెలిబ్రిటీ ఫ్యాషన్ షోను నిర్వహిస్తుంటారు.
శనివారం రాత్రి జరిగిన ఈవెంట్‌లో తన సోదరిని సర్‌ప్రైజ్ చేస్తూ నటుడు మనోజ్, ఆయన సతీమణి మౌనిక పాల్గొన్నారు. మనోజ్‌ను చూసిన వెంటనే లక్ష్మి ఎమోషనల్ అయ్యారు. అయన్ని ప్రేమగా హత్తుకుని భావోద్వేగానికి గురయ్యారు. పక్కనే ఉన్న మౌనిక ఆమెను ఓదార్చే ప్రయత్నం చేశారు. దీనికి సంబంధించిన ఓ వీడియోను నెట్టింట వైరల్‌ అయింది. శనివారం రాత్రి జరిగిన ఈ ఈవెంట్‌లో నటీమణులు రియా చక్రవర్తి, కేతికా శర్మ, అనసూయ సందడి చేశారు.