చాలా గ్యాప్ తర్వాత ''లేడీ''గా వస్తోన్న మాధవీలత

Lady

''నచ్చావులే'' ఫేమ్ మాధవీలత తాజాగా కొత్త సినిమాలో నటిస్తోంది. మాధవీలత ముఖ్య పాత్రలో మోనో డ్రామా పద్ధతిని అనుసరించి జీ.ఎస్‌.ఎస్‌.ఎస్‌.పి. కళ్యాణ్‌ డైరెక్షన్‌లో రూపొందుతున్న చిత్రం ''లేడీ'. ఈ సినిమా తాజాగా షూటింగ్ కార్యక్రమాలు పూర్తిచేసుకుంది. 

ఈ సందర్భంగా నిర్మాత, దర్శకుడు మాట్లాడుతూ, 'ఒకే ఒక క్యారెక్టర్‌తో ఈ సినిమా మొత్తాన్ని తెరకెక్కిస్తున్నాం. సినిమా ఆద్యంతం సస్పెన్స్‌గా ఉంటూ ప్రేక్షకులకు థ్రిల్‌ కలిగిస్తుంది. ప్రతి ఎపిసోడ్‌లో ప్రేక్షకుడు తనని తాను చూసుకుంటాడు. నటి మాధవీలత ఈ పాత్ర చేయడానికి అంగీకరించడం ఈ సినిమాపై అంచనాలు మరింతగా పెరిగాయి. ఆమె చాలా గ్యాప్‌ తరువాత సినిమాలో నటించడం విశేషం.

కాగా మాధవీ లత.. తనీష్ హీరోగా రవిబాబు దర్శకత్వంలో వచ్చిన నచ్చావులే సినిమాతో తెలుగు తెరకు పరిచమైంది. ఆ తర్వాత 'స్నేహితుడా' సినిమాతో తెలుగు ప్రేక్షకులకు మరింత దగ్గరైంది. అలా కొన్ని సినిమాల్లో నటించిన మాధవీ లత ఆ తర్వాత తెలుగు సినిమాల నుంచి కొంత విరామం తీసుకుని ఏపీ రాజకీయాల్లోకి సంగతి తెలిసిందే. బీజేపీ టికెట్‌పై జనరల్ ఎలక్షన్స్‌లో గుంటూరు వెస్ట్ నుంచి పోటీ చేసిన మాధవీ లత చాలా రోజుల తర్వాత లేడీ సినిమాను చేస్తోంది.