లైగర్‌లో సీన్లు నేటివిటీకి తగ్గట్లు లేవు.. ట్రోల్స్ మొదలు..

పూరి జగన్నాథ్ దర్శకత్వంలో తెరకెక్కిన సినిమా 'లైగర్'. ఆగస్టు 25న విడుదలైన ఈ చిత్రానికి మొదటి షోతోనే మిక్స్డ్ టాక్ వచ్చింది. సినిమా ఏమాత్రం రియాలిటీకి దగ్గరగా లేదు అంటూ ప్రేక్షకులు పెదవి విరిచారు. ఈ సినిమాలో ఏమాత్రం తెలుగు నేటివిటీకి దగ్గరగా లేదని అంటున్నారు.

'అమ్మ నాన్న ఓ తమిళ అమ్మాయి' చిత్రాన్ని హిందీలో రీమేక్ చేసి మళ్ళీ తెలుగులో డబ్బింగ్ ఇచ్చినట్టు ఉందని విమర్శిస్తున్నారు. అయితే హిందీలో మాత్రం ఈ మూవీ స్లోగా పికప్ అయ్యేలా కనిపిస్తుంది. అలా అని అక్కడ కూడా రివ్యూలు గొప్పగా రాలేదు.

ఏది ఎలా ఈ చిత్రంలో రెండు సన్నివేశాలు మాత్రం ఫ్యాన్స్‌ను బాగా హర్ట్ చేశాయట. రియాలిటీకి ఏమాత్రం అవి దగ్గరగా లేవని ప్రేక్షకులతో పాటు విజయ్ ఫ్యాన్స్ కూడా అంటున్నారు. 

ఇంతకీ ఆ సీన్లు ఏంటి అంటే.. తల్లి పాత్ర పోషించిన రమ్యకృష్ణకి.. హీరో విజయ్ దేవరకొండకి మధ్య ఓ ఎమోషనల్ సీన్ ఉంటుంది. ఈ సీన్ అయిన వెంటనే హీరోకి, హీరోయిన్‌కు మధ్య ఫాస్ట్ బీట్ సాంగ్ వస్తుంది. అలాగే బాక్సింగ్ కాంపిటీషన్ కోసం హీరో లాస్ వేగాస్‌కి వెళ్తాడు.

అక్కడ పోటీదారుడు హీరోకి ఓ పంచ్ ఇస్తే.. హీరో కింద పడిపోతాడు. హీరో తల్లి దీనిని ముంబైలో ఉండి టీవీలో చూస్తూ ఉంటుంది. ఆమె టీవీ ముందు అరుస్తూ లే అని పలకగానే లాస్ వేగాస్‌లో ఉన్న హీరో లేచి ఫైట్ చేస్తాడు. ఇలాంటి సన్నివేశాలు ఓ 30 ఏళ్ళ క్రితం చూసినట్టు ఉన్నాయని నెటిజన్లు ట్రోలింగ్ చేస్తున్నారు.